1. кулӯпакасуттам̣

111. ‘‘пан̃чахи, бхиккхаве, дхаммехи саманна̄гато кулӯпако бхиккху кулесу аппийо ча хоти амана̄по ча агару ча абха̄ванӣйо ча. катамехи пан̃чахи? асантхавависса̄сӣ [асантхутависса̄сӣ (сӣ.), асандхавависса̄сӣ (ка.)] ча хоти, аниссаравикаппӣ ча, виссат̣т̣хупасевӣ [вийаттхупасевӣ (сӣ.), бйаттхупасевӣ (сйа̄. кам̣.), вйаттӯпасевӣ (пӣ.)] ча, упакан̣н̣акаджаппӣ ча, атийа̄чанако ча. имехи кхо, бхиккхаве, пан̃чахи дхаммехи саманна̄гато кулӯпако бхиккху кулесу аппийо ча хоти амана̄по ча агару ча абха̄ванӣйо ча.

‘‘пан̃чахи, бхиккхаве, дхаммехи саманна̄гато кулӯпако бхиккху кулесу пийо ча хоти мана̄по ча гару ча бха̄ванӣйо ча. катамехи пан̃чахи? на асантхавависса̄сӣ ча хоти, на аниссаравикаппӣ ча, на виссат̣т̣хупасевӣ ча, на упакан̣н̣акаджаппӣ ча, на атийа̄чанако ча. имехи кхо, бхиккхаве, пан̃чахи дхаммехи саманна̄гато кулӯпако бхиккху кулесу пийо ча хоти мана̄по ча гару ча бха̄ванӣйо ча̄’’ти. пат̣хамам̣.