8. а̄ран̃н̃акасуттам̣

98. ‘‘пан̃чахи, бхиккхаве, дхаммехи саманна̄гато бхиккху а̄на̄па̄нассатим̣ бахулӣкаронто начирассева акуппам̣ пат̣ивиджджхати. катамехи пан̃чахи? идха, бхиккхаве, бхиккху аппат̣т̣хо хоти аппакиччо субхаро сусантосо джӣвитапариккха̄ресу; аппа̄ха̄ро хоти анодарикаттам̣ ануйутто; аппамиддхо хоти джа̄гарийам̣ ануйутто; а̄ран̃н̃ако хоти пантасена̄сано; йатха̄вимуттам̣ читтам̣ паччавеккхати. имехи кхо, бхиккхаве, пан̃чахи дхаммехи саманна̄гато бхиккху а̄на̄па̄нассатим̣ бахулӣкаронто начирассева акуппам̣ пат̣ивиджджхатӣ’’ти. ат̣т̣хамам̣.