9. сӣхасуттам̣

99. ‘‘сӣхо, бхиккхаве, мигара̄джа̄ са̄йанхасамайам̣ а̄сайа̄ никкхамати; а̄сайа̄ никкхамитва̄ виджамбхати; виджамбхитва̄ саманта̄ чатуддисам̣ [чатуддиса̄ (сйа̄. кам̣. пӣ. ка.) а. ни. 4.33; сам̣. ни. 3.78 пасситаббам̣] анувилокети; саманта̄ чатуддисам̣ [чатуддиса̄ (сйа̄. кам̣. пӣ. ка.) а. ни. 4.33; сам̣. ни. 3.78 пасситаббам̣] анувилокетва̄ тиккхаттум̣ сӣхана̄дам̣ надати; тиккхаттум̣ сӣхана̄дам̣ надитва̄ гочара̄йа паккамати. со хаттхисса чепи паха̄рам̣ дети, саккаччан̃н̃ева паха̄рам̣ дети, но асаккаччам̣; махим̣сасса [махисасса (сӣ. сйа̄. кам̣. пӣ.)] чепи паха̄рам̣ дети, саккаччан̃н̃ева паха̄рам̣ дети, но асаккаччам̣; гавасса чепи паха̄рам̣ дети, саккаччан̃н̃ева паха̄рам̣ дети, но асаккаччам̣; дӣписса чепи паха̄рам̣ дети, саккаччан̃н̃ева паха̄рам̣ дети, но асаккаччам̣; кхуддака̄нан̃чепи па̄н̣а̄нам̣ паха̄рам̣ дети антамасо сасабил̣а̄ра̄нампи [сасабил̣а̄ра̄нам̣ (ка.)], саккаччан̃н̃ева паха̄рам̣ дети, но асаккаччам̣. там̣ кисса хету? ‘ма̄ ме йоггапатхо насса̄’ти.

‘‘сӣхоти кхо, бхиккхаве, татха̄гатассетам̣ адхивачанам̣ арахато самма̄самбуддхасса. йам̣ кхо, бхиккхаве, татха̄гато париса̄йа дхаммам̣ десети, идамасса хоти сӣхана̄дасмим̣. бхиккхӯнан̃чепи, бхиккхаве, татха̄гато дхаммам̣ десети, саккаччан̃н̃ева татха̄гато дхаммам̣ десети, но асаккаччам̣; бхиккхунӣнан̃чепи, бхиккхаве, татха̄гато дхаммам̣ десети, саккаччан̃н̃ева татха̄гато дхаммам̣ десети, но асаккаччам̣; упа̄сака̄нан̃чепи, бхиккхаве, татха̄гато дхаммам̣ десети, саккаччан̃н̃ева татха̄гато дхаммам̣ десети, но асаккаччам̣; упа̄сика̄нан̃чепи, бхиккхаве, татха̄гато дхаммам̣ десети, саккаччан̃н̃ева татха̄гато дхаммам̣ десети, но асаккаччам̣; путхуджджана̄нан̃чепи, бхиккхаве, татха̄гато дхаммам̣ десети антамасо аннабха̄ранеса̄да̄нампи [аннабха̄ранеса̄да̄нам̣ (ка.)], саккаччан̃н̃ева татха̄гато дхаммам̣ десети, но асаккаччам̣. там̣ кисса хету? дхаммагару, бхиккхаве, татха̄гато дхаммага̄раво’’ти. навамам̣.