2. саппурисасуттам̣

42. ‘‘саппурисо, бхиккхаве, куле джа̄йама̄но бахуно джанасса аттха̄йа хита̄йа сукха̄йа хоти; ма̄та̄питӯнам̣ [ма̄та̄питуннам̣ (сӣ. пӣ.)] аттха̄йа хита̄йа сукха̄йа хоти; путтада̄расса аттха̄йа хита̄йа сукха̄йа хоти; да̄сакаммакарапорисасса аттха̄йа хита̄йа сукха̄йа хоти; митта̄мачча̄нам̣ аттха̄йа хита̄йа сукха̄йа хоти; саман̣абра̄хман̣а̄нам̣ аттха̄йа хита̄йа сукха̄йа хоти.

‘‘сеййатха̄пи, бхиккхаве, маха̄мегхо саббасасса̄ни сампа̄денто бахуно джанасса аттха̄йа хита̄йа сукха̄йа хоти; евамевам̣ кхо, бхиккхаве, саппурисо куле джа̄йама̄но бахуно джанасса аттха̄йа хита̄йа сукха̄йа хоти; ма̄та̄питӯнам̣ аттха̄йа хита̄йа сукха̄йа хоти; путтада̄расса аттха̄йа хита̄йа сукха̄йа хоти; да̄сакаммакарапорисасса аттха̄йа хита̄йа сукха̄йа хоти; митта̄мачча̄нам̣ аттха̄йа хита̄йа сукха̄йа хоти; саман̣абра̄хман̣а̄нам̣ аттха̄йа хита̄йа сукха̄йа хотӣ’’ти.

‘‘хито бахуннам̣ пат̣ипаджджа бхоге, там̣ девата̄ раккхати дхаммагуттам̣;

бахуссутам̣ сӣлаватӯпапаннам̣, дхамме т̣хитам̣ на виджахати [виджаха̄ти (сӣ. сйа̄. кам̣. пӣ.)] китти.

‘‘дхаммат̣т̣хам̣ сӣласампаннам̣, саччава̄дим̣ хирӣманам̣;

неккхам̣ джамбонадассева, ко там̣ ниндитумарахати;

дева̄пи нам̣ пасам̣санти, брахмуна̄пи пасам̣сито’’ти. дутийам̣;