8. чаванасуттам̣

8. ‘‘пан̃чахи, бхиккхаве, дхаммехи саманна̄гато бхиккху чавати, наппатит̣т̣ха̄ти саддхамме. катамехи пан̃чахи? асаддхо, бхиккхаве, бхиккху чавати, наппатит̣т̣ха̄ти саддхамме. ахирико, бхиккхаве, бхиккху чавати, наппатит̣т̣ха̄ти саддхамме. аноттаппӣ, бхиккхаве, бхиккху чавати, наппатит̣т̣ха̄ти саддхамме. кусӣто, бхиккхаве, бхиккху чавати, наппатит̣т̣ха̄ти саддхамме. дуппан̃н̃о, бхиккхаве, бхиккху чавати, наппатит̣т̣ха̄ти саддхамме. имехи кхо, бхиккхаве, пан̃чахи дхаммехи саманна̄гато бхиккху чавати, наппатит̣т̣ха̄ти саддхамме.

‘‘пан̃чахи, бхиккхаве, дхаммехи саманна̄гато бхиккху на чавати, патит̣т̣ха̄ти саддхамме. катамехи пан̃чахи? саддхо, бхиккхаве, бхиккху на чавати, патит̣т̣ха̄ти саддхамме. хирӣма̄, бхиккхаве, бхиккху на чавати, патит̣т̣ха̄ти саддхамме. оттаппӣ, бхиккхаве, бхиккху на чавати, патит̣т̣ха̄ти саддхамме. а̄раддхавӣрийо, бхиккхаве, бхиккху на чавати, патит̣т̣ха̄ти саддхамме. пан̃н̃ава̄, бхиккхаве, бхиккху на чавати, патит̣т̣ха̄ти саддхамме. имехи кхо, бхиккхаве, пан̃чахи дхаммехи саманна̄гато бхиккху на чавати, патит̣т̣ха̄ти саддхамме’’ти. ат̣т̣хамам̣.