1. сам̣кхиттасуттам̣

232. ‘‘чатта̄рима̄ни, бхиккхаве, камма̄ни майа̄ сайам̣ абхин̃н̃а̄ саччхикатва̄ паведита̄ни. катама̄ни чатта̄ри? аттхи, бхиккхаве, каммам̣ кан̣хам̣ кан̣хавипа̄кам̣; аттхи, бхиккхаве, каммам̣ суккам̣ суккавипа̄кам̣; аттхи, бхиккхаве, каммам̣ кан̣хасуккам̣ кан̣хасуккавипа̄кам̣; аттхи, бхиккхаве, каммам̣ акан̣хаасуккам̣ [акан̣хам̣ асуккам̣ (сӣ. сйа̄. пӣ.) (дӣ. ни. 3.312; ма. ни. 2.81)] акан̣хаасуккавипа̄кам̣ каммаккхайа̄йа сам̣ваттати. има̄ни кхо, бхиккхаве, чатта̄ри камма̄ни майа̄ сайам̣ абхин̃н̃а̄ саччхикатва̄ паведита̄нӣ’’ти. пат̣хамам̣.