4. удакарахадасуттам̣

104. ‘‘чатта̄роме, бхиккхаве, удакарахада̄. катаме чатта̄ро? утта̄но гамбхӣробха̄со, гамбхӣро утта̄нобха̄со, утта̄но утта̄нобха̄со, гамбхӣро гамбхӣробха̄со – име кхо, бхиккхаве, чатта̄ро удакарахада̄. евамевам̣ кхо, бхиккхаве, чатта̄ро удакарахадӯпама̄ [пу. па. 161] пуггала̄ санто сам̣виджджама̄на̄ локасмим̣. катаме чатта̄ро? утта̄но гамбхӣробха̄со, гамбхӣро утта̄нобха̄со, утта̄но утта̄нобха̄со, гамбхӣро гамбхӣробха̄со.

‘‘катхан̃ча, бхиккхаве, пуггало утта̄но хоти гамбхӣробха̄со? идха, бхиккхаве, екаччасса пуггаласса па̄са̄дикам̣ хоти абхиккантам̣ пат̣иккантам̣ а̄локитам̣ вилокитам̣ самин̃джитам̣ паса̄ритам̣ сан̇гха̄т̣ипаттачӣварадха̄ран̣ам̣. со ‘идам̣ дуккха’нти йатха̄бхӯтам̣ наппаджа̄на̄ти…пе… ‘айам̣ дуккханиродхага̄минӣ пат̣ипада̄’ти йатха̄бхӯтам̣ наппаджа̄на̄ти. евам̣ кхо, бхиккхаве, пуггало утта̄но хоти гамбхӣробха̄со. сеййатха̄пи со, бхиккхаве, удакарахадо утта̄но гамбхӣробха̄со; татхӯпама̄хам̣, бхиккхаве, имам̣ пуггалам̣ вада̄ми.

‘‘катхан̃ча, бхиккхаве, пуггало гамбхӣро хоти утта̄нобха̄со? идха, бхиккхаве, екаччасса пуггаласса на па̄са̄дикам̣ хоти абхиккантам̣ пат̣иккантам̣ а̄локитам̣ вилокитам̣ самин̃джитам̣ паса̄ритам̣ сан̇гха̄т̣ипаттачӣварадха̄ран̣ам̣. со ‘идам̣ дуккха’нти йатха̄бхӯтам̣ паджа̄на̄ти…пе… ‘айам̣ дуккханиродхага̄минӣ пат̣ипада̄’ти йатха̄бхӯтам̣ паджа̄на̄ти. евам̣ кхо, бхиккхаве, пуггало гамбхӣро хоти утта̄нобха̄со. сеййатха̄пи со, бхиккхаве, удакарахадо гамбхӣро утта̄нобха̄со; татхӯпама̄хам̣, бхиккхаве, имам̣ пуггалам̣ вада̄ми.

‘‘катхан̃ча, бхиккхаве, пуггало утта̄но хоти утта̄нобха̄со? идха, бхиккхаве, екаччасса пуггаласса на па̄са̄дикам̣ хоти абхиккантам̣ пат̣иккантам̣ а̄локитам̣ вилокитам̣ самин̃джитам̣ паса̄ритам̣ сан̇гха̄т̣ипаттачӣварадха̄ран̣ам̣. со ‘идам̣ дуккха’нти йатха̄бхӯтам̣ наппаджа̄на̄ти…пе… ‘айам̣ дуккханиродхага̄минӣ пат̣ипада̄’ти йатха̄бхӯтам̣ наппаджа̄на̄ти. евам̣ кхо, бхиккхаве, пуггало утта̄но хоти утта̄нобха̄со. сеййатха̄пи со, бхиккхаве, удакарахадо утта̄но утта̄нобха̄со; татхӯпама̄хам̣, бхиккхаве, имам̣ пуггалам̣ вада̄ми.

‘‘катхан̃ча, бхиккхаве, пуггало гамбхӣро хоти гамбхӣробха̄со? идха, бхиккхаве, екаччасса пуггаласса па̄са̄дикам̣ хоти абхиккантам̣ пат̣иккантам̣ а̄локитам̣ вилокитам̣ самин̃джитам̣ паса̄ритам̣ сан̇гха̄т̣ипаттачӣварадха̄ран̣ам̣. со ‘идам̣ дуккха’нти йатха̄бхӯтам̣ паджа̄на̄ти…пе… ‘айам̣ дуккханиродхага̄минӣ пат̣ипада̄’ти йатха̄бхӯтам̣ паджа̄на̄ти. евам̣ кхо, бхиккхаве, пуггало гамбхӣро хоти гамбхӣробха̄со. сеййатха̄пи со, бхиккхаве, удакарахадо гамбхӣро гамбхӣробха̄со; татхӯпама̄хам̣, бхиккхаве, имам̣ пуггалам̣ вада̄ми. име кхо, бхиккхаве, чатта̄ро удакарахадӯпама̄ пуггала̄ санто сам̣виджджама̄на̄ локасми’’нти. чатуттхам̣.