7. ачинтеййасуттам̣

77. ‘‘чатта̄рима̄ни, бхиккхаве, ачинтеййа̄ни, на чинтетабба̄ни; йа̄ни чинтенто умма̄дасса вигха̄тасса бха̄гӣ асса. катама̄ни чатта̄ри? буддха̄нам̣, бхиккхаве, буддхависайо ачинтеййо, на чинтетаббо; йам̣ чинтенто умма̄дасса вигха̄тасса бха̄гӣ асса. джха̄йисса, бхиккхаве, джха̄нависайо ачинтеййо, на чинтетаббо; йам̣ чинтенто умма̄дасса вигха̄тасса бха̄гӣ асса. каммавипа̄ко, бхиккхаве, ачинтеййо, на чинтетаббо; йам̣ чинтенто умма̄дасса вигха̄тасса бха̄гӣ асса. локачинта̄, бхиккхаве, ачинтеййа̄, на чинтетабба̄; йам̣ чинтенто умма̄дасса вигха̄тасса бха̄гӣ асса. има̄ни кхо, бхиккхаве, чатта̄ри ачинтеййа̄ни, на чинтетабба̄ни; йа̄ни чинтенто умма̄дасса вигха̄тасса бха̄гӣ асса̄’’ти. саттамам̣.