9. падха̄насуттам̣

69. ‘‘чатта̄рима̄ни, бхиккхаве, падха̄на̄ни. катама̄ни чатта̄ри? сам̣вараппадха̄нам̣, паха̄наппадха̄нам̣, бха̄вана̄ппадха̄нам̣, анураккхан̣а̄ппадха̄нам̣. катаман̃ча, бхиккхаве, сам̣вараппадха̄нам̣? идха, бхиккхаве, бхиккху ануппанна̄нам̣ па̄пака̄нам̣ акусала̄нам̣ дхамма̄нам̣ ануппа̄да̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати. идам̣ вуччати, бхиккхаве, сам̣вараппадха̄нам̣.

‘‘катаман̃ча, бхиккхаве, паха̄наппадха̄нам̣? идха, бхиккхаве, бхиккху уппанна̄нам̣ па̄пака̄нам̣ акусала̄нам̣ дхамма̄нам̣ паха̄на̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати. идам̣ вуччати, бхиккхаве, паха̄наппадха̄нам̣.

‘‘катаман̃ча, бхиккхаве, бха̄вана̄ппадха̄нам̣? идха, бхиккхаве, бхиккху ануппанна̄нам̣ кусала̄нам̣ дхамма̄нам̣ уппа̄да̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати. идам̣ вуччати, бхиккхаве, бха̄вана̄ппадха̄нам̣.

‘‘катаман̃ча, бхиккхаве, анураккхан̣а̄ппадха̄нам̣? идха, бхиккхаве, бхиккху уппанна̄нам̣ кусала̄нам̣ дхамма̄нам̣ т̣хитийа̄ асаммоса̄йа бхиййобха̄ва̄йа вепулла̄йа бха̄вана̄йа па̄рипӯрийа̄ чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати. идам̣ вуччати, бхиккхаве, анураккхан̣а̄ппадха̄нам̣. има̄ни кхо, бхиккхаве, чатта̄ри падха̄на̄нӣ’’ти.

‘‘сам̣варо ча паха̄нан̃ча, бха̄вана̄ анураккхан̣а̄;

ете падха̄на̄ чатта̄ро, десита̄диччабандхуна̄;

йо хи [йехи (?)] бхиккху идха̄та̄пӣ, кхайам̣ дуккхасса па̄пун̣е’’ти. навамам̣;