2. пан̃хабйа̄каран̣асуттам̣

42. ‘‘чатта̄рима̄ни, бхиккхаве, пан̃хабйа̄каран̣а̄ни [пан̃ха̄бйа̄каран̣а̄ни (ка.)]. катама̄ни чатта̄ри? аттхи, бхиккхаве, пан̃хо екам̣сабйа̄каран̣ӣйо; аттхи, бхиккхаве, пан̃хо вибхаджджабйа̄каран̣ӣйо; аттхи, бхиккхаве, пан̃хо пат̣ипуччха̄бйа̄каран̣ӣйо; аттхи, бхиккхаве, пан̃хо т̣хапанӣйо. има̄ни кхо, бхиккхаве, чатта̄ри пан̃хабйа̄каран̣а̄нӣ’’ти.

‘‘екам̣савачанам̣ екам̣, вибхаджджавачана̄парам̣;

татийам̣ пат̣ипуччхеййа, чатуттхам̣ пана т̣ха̄пайе.

‘‘йо ча тесам̣ [несам̣ (сӣ. сйа̄. кам̣.)] таттха таттха, джа̄на̄ти анудхамматам̣;

чатупан̃хасса кусало, а̄ху бхиккхум̣ татха̄видхам̣.

‘‘дура̄садо дуппасахо, гамбхӣро дуппадхам̣сийо;

атхо аттхе анаттхе ча, убхайасса хоти ковидо [убхайаттхасса ковидо (сйа̄. кам̣.)].

‘‘анаттхам̣ париваджджети, аттхам̣ ган̣ха̄ти пан̣д̣ито;

аттха̄бхисамайа̄ дхӣро, пан̣д̣итоти павуччатӣ’’ти. дутийам̣;