1. чаккасуттам̣

31. ‘‘чатта̄рима̄ни, бхиккхаве, чакка̄ни, йехи саманна̄гата̄нам̣ деваманусса̄нам̣ чатучаккам̣ ваттати, йехи саманна̄гата̄ деваманусса̄ начирассева махантаттам̣ вепуллаттам̣ па̄пун̣анти бхогесу. катама̄ни чатта̄ри? патирӯпадесава̄со, саппуриса̄вассайо [саппурисӯпассайо (сӣ. сйа̄. кам̣. пӣ.)], аттасамма̄пан̣идхи, пуббе ча катапун̃н̃ата̄ – има̄ни кхо, бхиккхаве, чатта̄ри чакка̄ни, йехи саманна̄гата̄нам̣ деваманусса̄нам̣ чатучаккам̣ ваттати, йехи саманна̄гата̄ деваманусса̄ начирассева махантаттам̣ вепуллаттам̣ па̄пун̣анти бхогесӯ’’ти.

‘‘патирӯпе васе десе, арийамиттакаро сийа̄;

самма̄пан̣идхисампанно, пуббе пун̃н̃акато наро;

дхан̃н̃ам̣ дханам̣ йасо китти, сукхан̃четам̣дхиваттатӣ’’ти. пат̣хамам̣;