5. брахмачарийасуттам̣

25. ‘‘найидам̣, бхиккхаве, брахмачарийам̣ вуссати джанакуханаттхам̣, на джаналапанаттхам̣, на ла̄бхасакка̄расилока̄нисам̣саттхам̣, на итива̄даппамоккха̄нисам̣саттхам̣, на ‘ити мам̣ джано джа̄на̄тӯ’ти. атха кхо идам̣, бхиккхаве, брахмачарийам̣ вуссати сам̣вараттхам̣ паха̄наттхам̣ вира̄гаттхам̣ ниродхаттха’’нти.

‘‘сам̣вараттхам̣ паха̄наттхам̣, брахмачарийам̣ анӣтихам̣;

адесайи со бхагава̄, нибба̄ногадхага̄минам̣;

еса магго махантехи [махаттебхи (ка.) итиву. 35], ануйа̄то махесибхи.

‘‘йе ча там̣ пат̣ипаджджанти, йатха̄ буддхена деситам̣;

дуккхассантам̣ кариссанти, саттхуса̄санака̄рино’’ти. пан̃чамам̣;