8. поттхакасуттам̣

100. ‘‘навопи, бхиккхаве, поттхако дуббан̣н̣о ча хоти дуккхасампхассо ча аппаггхо ча; маджджхимопи, бхиккхаве, поттхако дуббан̣н̣о ча хоти дуккхасампхассо ча аппаггхо ча; джин̣н̣опи, бхиккхаве, поттхако дуббан̣н̣о ча хоти дуккхасампхассо ча аппаггхо ча. джин̣н̣ампи, бхиккхаве, поттхакам̣ уккхалипаримаджджанам̣ ва̄ каронти сан̇ка̄ракӯт̣е ва̄ нам̣ [там̣ (сӣ.), т̣ха̄не (ка.)] чхад̣д̣енти.

‘‘евамевам̣ кхо, бхиккхаве, наво чепи бхиккху хоти дуссӣло па̄падхаммо. идамасса дуббан̣н̣ата̄йа вада̄ми. сеййатха̄пи со, бхиккхаве, поттхако дуббан̣н̣о татхӯпама̄хам̣, бхиккхаве, имам̣ пуггалам̣ вада̄ми. йе кхо панасса севанти бхаджанти пайирупа̄санти дит̣т̣ха̄нугатим̣ а̄паджджанти, тесам̣ там̣ хоти дӣгхараттам̣ ахита̄йа дуккха̄йа. идамасса дуккхасампхассата̄йа вада̄ми. сеййатха̄пи со, бхиккхаве, поттхако дуккхасампхассо татхӯпама̄хам̣, бхиккхаве, имам̣ пуггалам̣ вада̄ми. йесам̣ кхо пана со [йесам̣ кхо пана (сӣ. сйа̄. кам̣. пӣ.), йесам̣ со (ка.) пу. па. 116 пасситаббам̣] пат̣игган̣ха̄ти чӣварапин̣д̣апа̄тасена̄санагила̄наппаччайабхесаджджапариккха̄рам̣, тесам̣ там̣ на махаппхалам̣ хоти на маха̄нисам̣сам̣. идамасса аппаггхата̄йа вада̄ми. сеййатха̄пи со, бхиккхаве, поттхако аппаггхо татхӯпама̄хам̣, бхиккхаве, имам̣ пуггалам̣ вада̄ми. маджджхимо чепи, бхиккхаве, бхиккху хоти…пе… тхеро чепи, бхиккхаве, бхиккху хоти дуссӣло па̄падхаммо, идамасса дуббан̣н̣ата̄йа вада̄ми. сеййатха̄пи со, бхиккхаве, поттхако дуббан̣н̣о татхӯпама̄хам̣, бхиккхаве, имам̣ пуггалам̣ вада̄ми. йе кхо панасса севанти бхаджанти пайирупа̄санти дит̣т̣ха̄нугатим̣ а̄паджджанти, тесам̣ там̣ хоти дӣгхараттам̣ ахита̄йа дуккха̄йа. идамасса дуккхасампхассата̄йа вада̄ми. сеййатха̄пи со, бхиккхаве, поттхако дуккхасампхассо татхӯпама̄хам̣, бхиккхаве, имам̣ пуггалам̣ вада̄ми. йесам̣ кхо пана со пат̣игган̣ха̄ти чӣварапин̣д̣апа̄тасена̄санагила̄наппаччайабхесаджджапариккха̄рам̣, тесам̣ там̣ на махаппхалам̣ хоти на маха̄нисам̣сам̣. идамасса аппаггхата̄йа вада̄ми. сеййатха̄пи со, бхиккхаве, поттхако аппаггхо татхӯпама̄хам̣, бхиккхаве, имам̣ пуггалам̣ вада̄ми.

‘‘еварӯпо ча̄йам̣, бхиккхаве, тхеро бхиккху сан̇гхамаджджхе бхан̣ати. таменам̣ бхиккхӯ евама̄хам̣су – ‘ким̣ ну кхо туйхам̣ ба̄ласса абйаттасса бхан̣итена, твампи на̄ма бхан̣итаббам̣ ман̃н̃асӣ’ти! со купито анаттамано татха̄рӯпим̣ ва̄чам̣ ниччха̄рети йатха̄рӯпа̄йа ва̄ча̄йа сан̇гхо там̣ уккхипати, сан̇ка̄ракӯт̣ева нам̣ поттхакам̣.

‘‘навампи, бхиккхаве, ка̄сикам̣ ваттхам̣ ван̣н̣авантан̃чева хоти сукхасампхассан̃ча махаггхан̃ча; маджджхимампи, бхиккхаве, ка̄сикам̣ ваттхам̣ ван̣н̣авантан̃чева хоти сукхасампхассан̃ча махаггхан̃ча; джин̣н̣ампи, бхиккхаве, ка̄сикам̣ ваттхам̣ ван̣н̣авантан̃чева хоти сукхасампхассан̃ча махаггхан̃ча. джин̣н̣ампи, бхиккхаве, ка̄сикам̣ ваттхам̣ ратанапаливет̣ханам̣ ва̄ кароти гандхакаран̣д̣аке ва̄ нам̣ паккхипанти.

‘‘евамевам̣ кхо, бхиккхаве, наво чепи бхиккху хоти сӣлава̄ калйа̄н̣адхаммо, идамасса суван̣н̣ата̄йа вада̄ми. сеййатха̄пи там̣, бхиккхаве, ка̄сикам̣ ваттхам̣ ван̣н̣авантам̣ татхӯпама̄хам̣, бхиккхаве, имам̣ пуггалам̣ вада̄ми. йе кхо панасса севанти бхаджанти пайирупа̄санти дит̣т̣ха̄нугатим̣ а̄паджджанти, тесам̣ там̣ хоти дӣгхараттам̣ хита̄йа сукха̄йа. идамасса сукхасампхассата̄йа вада̄ми. сеййатха̄пи там̣, бхиккхаве, ка̄сикам̣ ваттхам̣ сукхасампхассам̣ татхӯпама̄хам̣, бхиккхаве, имам̣ пуггалам̣ вада̄ми. йесам̣ кхо пана со пат̣игган̣ха̄ти чӣварапин̣д̣апа̄тасена̄санагила̄наппаччайабхесаджджапариккха̄рам̣, тесам̣ там̣ махаппхалам̣ хоти маха̄нисам̣сам̣. идамасса махаггхата̄йа вада̄ми. сеййатха̄пи там̣, бхиккхаве, ка̄сикам̣ ваттхам̣ махаггхам̣ татхӯпама̄хам̣, бхиккхаве, имам̣ пуггалам̣ вада̄ми. маджджхимо чепи, бхиккхаве, бхиккху хоти…пе… тхеро чепи, бхиккхаве, бхиккху хоти…пе… пуггалам̣ вада̄ми.

‘‘еварӯпо ча̄йам̣, бхиккхаве, тхеро бхиккху сан̇гхамаджджхе бхан̣ати. таменам̣ бхиккхӯ евама̄хам̣су – ‘аппасадда̄ а̄йасманто хотха, тхеро бхиккху дхамман̃ча винайан̃ча бхан̣атӣ’ти. тасма̄тиха, бхиккхаве, евам̣ сиккхитаббам̣ – ‘ка̄сикаваттхӯпама̄ бхависса̄ма, на поттхакӯпама̄’ти [ка̄сикам̣ ваттхам̣ татхӯпама̄хам̣ бхависса̄ми, на поттхакӯпама̄ханти (ка.)]. еван̃хи во, бхиккхаве, сиккхитабба’’нти. ат̣т̣хамам̣.