5. секкхасуттам̣

86. атха кхо ан̃н̃атаро бхиккху йена бхагава̄ тенупасан̇ками; упасан̇камитва̄ бхагавантам̣ абхива̄детва̄ екамантам̣ нисӣди. екамантам̣ нисинно кхо со бхиккху бхагавантам̣ етадавоча –

‘‘‘секхо, секхо’ти, бханте, вуччати. китта̄вата̄ ну кхо, бханте, секхо хотӣ’’ти? ‘‘сиккхатӣти кхо, бхиккху, тасма̄ секхоти вуччати. кин̃ча сиккхати? адхисӣлампи сиккхати, адхичиттампи сиккхати, адхипан̃н̃ампи сиккхати. сиккхатӣти кхо, бхиккху, тасма̄ секхоти вуччатӣ’’ти.

‘‘секхасса сиккхама̄насса, уджумагга̄нуса̄рино;

кхайасмим̣ пат̣хамам̣ н̃а̄н̣ам̣, тато ан̃н̃а̄ анантара̄.

‘‘тато ан̃н̃а̄вимуттасса [ан̃н̃а̄вимуттийа̄ (ка.)], н̃а̄н̣ам̣ ве [н̃а̄н̣ан̃ча (ка.)] хоти та̄дино;

акуппа̄ ме вимуттӣти, бхавасам̣йоджанаккхайе’’ти. пан̃чамам̣; ( ) [(ат̣т̣хамам̣ бха̄н̣ава̄рам̣ нит̣т̣хитам̣) (ка.)]