6. пат̣хамабхавасуттам̣

77. атха кхо а̄йасма̄ а̄нандо йена бхагава̄ тенупасан̇ками; упасан̇камитва̄ бхагавантам̣ абхива̄детва̄ екамантам̣ нисӣди. екамантам̣ нисинно кхо а̄йасма̄ а̄нандо бхагавантам̣ етадавоча – ‘‘бхаво, бхавоти, бханте, вуччати. китта̄вата̄ ну кхо, бханте, бхаво хотӣ’’ти?

‘‘ка̄мадха̄тувепаккан̃ча, а̄нанда, каммам̣ на̄бхависса, апи ну кхо ка̄мабхаво пан̃н̃а̄йетха̄’’ти? ‘‘но хетам̣, бханте’’. ‘‘ити кхо, а̄нанда, каммам̣ кхеттам̣, вин̃н̃а̄н̣ам̣ бӣджам̣, тан̣ха̄ снехо [синехо (сӣ. сйа̄. кам̣. пӣ.)]. авиджджа̄нӣваран̣а̄нам̣ сатта̄нам̣ тан̣ха̄сам̣йоджана̄нам̣ хӣна̄йа дха̄туйа̄ вин̃н̃а̄н̣ам̣ патит̣т̣хитам̣ евам̣ а̄йатим̣ [а̄йати (сӣ.)] пунаббхава̄бхиниббатти хоти. ( ) [(евам̣ кхо а̄нанда бхаво хотӣти) (ка.) дутийасутте пана идам̣ па̄т̣хана̄наттам̣ наттхи]

‘‘рӯпадха̄тувепаккан̃ча, а̄нанда, каммам̣ на̄бхависса, апи ну кхо рӯпабхаво пан̃н̃а̄йетха̄’’ти? ‘‘но хетам̣, бханте’’. ‘‘ити кхо а̄нанда, каммам̣ кхеттам̣, вин̃н̃а̄н̣ам̣ бӣджам̣, тан̣ха̄ снехо. авиджджа̄нӣваран̣а̄нам̣ сатта̄нам̣ тан̣ха̄сам̣йоджана̄нам̣ маджджхима̄йа дха̄туйа̄ вин̃н̃а̄н̣ам̣ патит̣т̣хитам̣ евам̣ а̄йатим̣ пунаббхава̄бхиниббатти хоти. ( ) [(евам̣ кхо а̄нанда бхаво хотӣти) (ка.) дутийасутте пана идам̣ па̄т̣хана̄наттам̣ наттхи]

‘‘арӯпадха̄тувепаккан̃ча, а̄нанда, каммам̣ на̄бхависса, апи ну кхо арӯпабхаво пан̃н̃а̄йетха̄’’ти? ‘‘но хетам̣, бханте’’. ‘‘ити кхо, а̄нанда, каммам̣ кхеттам̣, вин̃н̃а̄н̣ам̣ бӣджам̣, тан̣ха̄ снехо. авиджджа̄нӣваран̣а̄нам̣ сатта̄нам̣ тан̣ха̄сам̣йоджана̄нам̣ пан̣ӣта̄йа дха̄туйа̄ вин̃н̃а̄н̣ам̣ патит̣т̣хитам̣ евам̣ а̄йатим̣ пунаббхава̄бхиниббатти хоти. евам̣ кхо, а̄нанда, бхаво хотӣ’’ти. чхат̣т̣хам̣.