10. а̄таппакаран̣ӣйасуттам̣

50. ‘‘тӣхи, бхиккхаве, т̣ха̄нехи а̄таппам̣ каран̣ӣйам̣. катамехи тӣхи? ануппанна̄нам̣ па̄пака̄нам̣ акусала̄нам̣ дхамма̄нам̣ ануппа̄да̄йа а̄таппам̣ каран̣ӣйам̣, ануппанна̄нам̣ кусала̄нам̣ дхамма̄нам̣ уппа̄да̄йа а̄таппам̣ каран̣ӣйам̣, уппанна̄нам̣ са̄рӣрика̄нам̣ ведана̄нам̣ дуккха̄нам̣ тибба̄нам̣ кхара̄нам̣ кат̣ука̄нам̣ аса̄та̄нам̣ амана̄па̄нам̣ па̄н̣ахара̄нам̣ адхива̄сана̄йа а̄таппам̣ каран̣ӣйам̣. имехи тӣхи, бхиккхаве, т̣ха̄нехи а̄таппам̣ каран̣ӣйам̣.

‘‘йато кхо, бхиккхаве, бхиккху ануппанна̄нам̣ па̄пака̄нам̣ акусала̄нам̣ дхамма̄нам̣ ануппа̄да̄йа а̄таппам̣ кароти, ануппанна̄нам̣ кусала̄нам̣ дхамма̄нам̣ уппа̄да̄йа а̄таппам̣ кароти, уппанна̄нам̣ са̄рӣрика̄нам̣ ведана̄нам̣ дуккха̄нам̣ тибба̄нам̣ кхара̄нам̣ кат̣ука̄нам̣ аса̄та̄нам̣ амана̄па̄нам̣ па̄н̣ахара̄нам̣ адхива̄сана̄йа а̄таппам̣ кароти. айам̣ вуччати, бхиккхаве, бхиккху а̄та̄пӣ нипако сато самма̄ дуккхасса антакирийа̄йа̄’’ти. дасамам̣.