3. чинтӣсуттам̣

3. ‘‘тӣн̣има̄ни, бхиккхаве, ба̄ласса ба̄лалаккхан̣а̄ни ба̄ланимитта̄ни ба̄ла̄пада̄на̄ни. катама̄ни тӣн̣и? идха, бхиккхаве, ба̄ло дуччинтитачинтӣ ча хоти дуббха̄ситабха̄сӣ ча дуккат̣акаммака̄рӣ ча. но чедам̣ [но четам̣ (сйа̄. кам̣. ка.)], бхиккхаве, ба̄ло дуччинтитачинтӣ ча абхависса дуббха̄ситабха̄сӣ ча дуккат̣акаммака̄рӣ ча, кена нам̣ пан̣д̣ита̄ джа̄неййум̣ [тена нам̣ пан̣д̣ита̄ на джа̄неййум̣ (ка.), на нам̣ пан̣д̣ита̄ джа̄неййум̣ (?)] – ‘ба̄ло айам̣ бхавам̣ асаппурисо’ти? йасма̄ ча кхо, бхиккхаве, ба̄ло дуччинтитачинтӣ ча хоти дуббха̄ситабха̄сӣ ча дуккат̣акаммака̄рӣ ча тасма̄ нам̣ пан̣д̣ита̄ джа̄нанти – ‘ба̄ло айам̣ бхавам̣ асаппурисо’ти. има̄ни кхо, бхиккхаве, тӣн̣и ба̄ласса ба̄лалаккхан̣а̄ни ба̄ланимитта̄ни ба̄ла̄пада̄на̄ни.

‘‘тӣн̣има̄ни, бхиккхаве, пан̣д̣итасса пан̣д̣италаккхан̣а̄ни пан̣д̣итанимитта̄ни пан̣д̣ита̄пада̄на̄ни. катама̄ни тӣн̣и? идха, бхиккхаве, пан̣д̣ито сучинтитачинтӣ ча хоти субха̄ситабха̄сӣ ча сукатакаммака̄рӣ ча. но чедам̣, бхиккхаве, пан̣д̣ито сучинтитачинтӣ ча абхависса субха̄ситабха̄сӣ ча сукатакаммака̄рӣ ча, кена нам̣ пан̣д̣ита̄ джа̄неййум̣ – ‘пан̣д̣ито айам̣ бхавам̣ саппурисо’ти? йасма̄ ча кхо, бхиккхаве, пан̣д̣ито сучинтитачинтӣ ча хоти субха̄ситабха̄сӣ ча сукатакаммака̄рӣ ча тасма̄ нам̣ пан̣д̣ита̄ джа̄нанти – ‘пан̣д̣ито айам̣ бхавам̣ саппурисо’ти. има̄ни кхо, бхиккхаве, тӣн̣и пан̣д̣итасса пан̣д̣италаккхан̣а̄ни пан̣д̣итанимитта̄ни пан̣д̣ита̄пада̄на̄ни. тасма̄тиха…. татийам̣.