6. бйасанасуттам̣

6. ‘‘йо со, бхиккхаве, бхиккху аккосако парибха̄сако арийӯпава̄до сабрахмача̄рӣнам̣, т̣ха̄наметам̣ авака̄со йам̣ со ека̄дасаннам̣ бйасана̄нам̣ ан̃н̃атарам̣ бйасанам̣ нигаччхеййа.

катамесам̣ ека̄дасаннам̣? анадхигатам̣ на̄дхигаччхати, адхигата̄ париха̄йати, саддхаммасса на вода̄йанти, саддхаммесу ва̄ адхима̄нико хоти, анабхирато ва̄ брахмачарийам̣ чарати, ан̃н̃атарам̣ ва̄ сам̣килит̣т̣хам̣ а̄паттим̣ а̄паджджати, сиккхам̣ ва̄ паччаккха̄йа хӣна̄йа̄ваттати, га̄л̣хам̣ ва̄ рога̄тан̇кам̣ пхусати, умма̄дам̣ ва̄ па̄пун̣а̄ти читтаккхепам̣ ва̄, саммӯл̣хо ка̄лам̣ кароти, ка̄йасса бхеда̄ парам̣ маран̣а̄ апа̄йам̣ дуггатим̣ винипа̄там̣ нирайам̣ упападжджати – йо со, бхиккхаве, бхиккху аккосако парибха̄сако арийӯпава̄до сабрахмача̄рӣнам̣, т̣ха̄наметам̣ авака̄со йам̣ со имесам̣ ека̄дасаннам̣ бйасана̄нам̣ ан̃н̃атарам̣ бйасанам̣ нигаччхеййа. [( ) еттхантаре па̄т̣хо сӣ. сйа̄. кам̣. пӣ. поттхакесу на диссати]

‘‘йо со, бхиккхаве, бхиккху аккосако парибха̄сако арийӯпава̄до сабрахмача̄рӣнам̣, ат̣т̣ха̄наметам̣ анавака̄со йам̣ со ека̄дасаннам̣ бйасана̄нам̣ ан̃н̃атарам̣ бйасанам̣ на нигаччхеййа.

катамесам̣ ека̄дасаннам̣? анадхигатам̣ на̄дхигаччхати, адхигата̄ париха̄йати, саддхаммасса на вода̄йанти, саддхаммесу ва̄ адхима̄нико хоти, анабхирато ва̄ брахмачарийам̣ чарати, ан̃н̃атарам̣ ва̄ сам̣килит̣т̣хам̣ а̄паттим̣ а̄паджджати, сиккхам̣ ва̄ паччаккха̄йа хӣна̄йа̄ваттати, га̄л̣хам̣ ва̄ рога̄тан̇кам̣ пхусати, умма̄дам̣ ва̄ па̄пун̣а̄ти читтаккхепам̣ ва̄, саммӯл̣хо ка̄лам̣ кароти, ка̄йасса бхеда̄ парам̣ маран̣а̄ апа̄йам̣ дуггатим̣ винипа̄там̣ нирайам̣ упападжджати – йо со, бхиккхаве, бхиккху аккосако парибха̄сако арийӯпава̄до сабрахмача̄рӣнам̣, ат̣т̣ха̄наметам̣ анавака̄со йам̣ со имесам̣ ека̄дасаннам̣ бйасана̄нам̣ ан̃н̃атарам̣ бйасанам̣ на нигаччхеййа̄’’ти. чхат̣т̣хам̣.