1. пат̣хамаадхаммасуттам̣

113. [а. ни. 10.171] ‘‘адхаммо ча, бхиккхаве, ведитаббо анаттхо ча; дхаммо ча ведитаббо аттхо ча. адхамман̃ча видитва̄ анаттхан̃ча, дхамман̃ча видитва̄ аттхан̃ча йатха̄ дхаммо йатха̄ аттхо татха̄ пат̣ипаджджитаббам̣.

‘‘катамо ча, бхиккхаве, адхаммо ча анаттхо ча? миччха̄дит̣т̣хи, миччха̄сан̇каппо, миччха̄ва̄ча̄, миччха̄камманто, миччха̄а̄джӣво, миччха̄ва̄йа̄мо, миччха̄сати, миччха̄сама̄дхи, миччха̄н̃а̄н̣ам̣, миччха̄вимутти – айам̣ вуччати, бхиккхаве, адхаммо ча анаттхо ча.

‘‘катамо ча, бхиккхаве, дхаммо ча аттхо ча? самма̄дит̣т̣хи, самма̄сан̇каппо, самма̄ва̄ча̄, самма̄камманто, самма̄а̄джӣво, самма̄ва̄йа̄мо, самма̄сати, самма̄сама̄дхи, самма̄н̃а̄н̣ам̣, самма̄вимутти – айам̣ вуччати, бхиккхаве, дхаммо ча аттхо ча.

‘‘‘адхаммо ча, бхиккхаве, ведитаббо анаттхо ча; дхаммо ча ведитаббо аттхо ча. адхамман̃ча видитва̄ анаттхан̃ча, дхамман̃ча видитва̄ аттхан̃ча йатха̄ дхаммо йатха̄ аттхо татха̄ пат̣ипаджджитабба’нти, ити йам̣ там̣ вуттам̣, идаметам̣ пат̣ичча вутта’’нти. пат̣хамам̣.