8. аккосакасуттам̣

88. ‘‘йо со, бхиккхаве, бхиккху аккосакапарибха̄сако арийӯпава̄дӣ сабрахмача̄рӣнам̣ т̣ха̄наметам̣ авака̄со [ат̣т̣ха̄наметам̣ анавака̄со (сӣ. сйа̄. пӣ.)] йам̣ со дасаннам̣ бйасана̄нам̣ ан̃н̃атарам̣ бйасанам̣ нигаччхеййа [на нигаччхеййа (сӣ. сйа̄. пӣ.)]. катамесам̣ дасаннам̣? анадхигатам̣ на̄дхигаччхати, адхигата̄ париха̄йати, саддхаммасса на вода̄йанти, саддхаммесу ва̄ адхима̄нико хоти анабхирато ва̄ брахмачарийам̣ чарати, ан̃н̃атарам̣ ва̄ сам̣килит̣т̣хам̣ а̄паттим̣ а̄паджджати, га̄л̣хам̣ ва̄ рога̄тан̇кам̣ пхусати, умма̄дам̣ ва̄ па̄пун̣а̄ти читтаккхепам̣, саммӯл̣хо ка̄лам̣ кароти, ка̄йасса бхеда̄ парам̣ маран̣а̄ апа̄йам̣ дуггатим̣ винипа̄там̣ нирайам̣ упападжджати. йо со, бхиккхаве, бхиккху аккосакапарибха̄сако арийӯпава̄дӣ сабрахмача̄рӣнам̣, т̣ха̄наметам̣ авака̄со йам̣ со имесам̣ дасаннам̣ бйасана̄нам̣ ан̃н̃атарам̣ бйасанам̣ нигаччхеййа̄’’ти. ат̣т̣хамам̣.