4. вад̣д̣хисуттам̣

74. ‘‘дасахи, бхиккхаве, вад̣д̣хӣхи вад̣д̣хама̄но арийаса̄вако арийа̄йа вад̣д̣хийа̄ вад̣д̣хати, са̄ра̄да̄йӣ ча хоти вара̄да̄йӣ ка̄йасса. катамехи дасахи? кхеттаваттхӯхи вад̣д̣хати, дханадхан̃н̃ена вад̣д̣хати, путтада̄рехи вад̣д̣хати, да̄сакаммакарапорисехи вад̣д̣хати, чатуппадехи вад̣д̣хати, саддха̄йа вад̣д̣хати, сӣлена вад̣д̣хати, сутена вад̣д̣хати, ча̄гена вад̣д̣хати, пан̃н̃а̄йа вад̣д̣хати – имехи кхо, бхиккхаве, дасахи вад̣д̣хӣхи вад̣д̣хама̄но арийаса̄вако арийа̄йа вад̣д̣хийа̄ вад̣д̣хати, са̄ра̄да̄йӣ ча хоти вара̄да̄йӣ ка̄йасса̄ти.

‘‘дханена дхан̃н̃ена ча йодха вад̣д̣хати,

путтехи да̄рехи чатуппадехи ча;

са бхогава̄ хоти йасасси пӯджито,

н̃а̄тӣхи миттехи атхопи ра̄джубхи.

‘‘саддха̄йа сӣлена ча йодха вад̣д̣хати,

пан̃н̃а̄йа ча̄гена сутена чӯбхайам̣;

со та̄дисо саппурисо вичаккхан̣о,

дит̣т̣хева дхамме убхайена вад̣д̣хатӣ’’ти. чатуттхам̣;