10. дутийакатха̄ваттхусуттам̣

70. екам̣ самайам̣ бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена самбахула̄ бхиккхӯ паччха̄бхаттам̣ пин̣д̣апа̄тапат̣икканта̄ упат̣т̣ха̄наса̄ла̄йам̣ саннисинна̄ саннипатита̄ анекавихитам̣ тираччха̄накатхам̣ ануйутта̄ вихаранти, сеййатхидам̣ – ра̄джакатхам̣ чоракатхам̣ маха̄маттакатхам̣…пе… итибхава̄бхавакатхам̣ ити ва̄ти.

‘‘дасайима̄ни, бхиккхаве, па̄сам̣са̄ни т̣ха̄на̄ни. катама̄ни даса? идха, бхиккхаве, бхиккху аттана̄ ча аппиччхо хоти, аппиччхакатхан̃ча бхиккхӯнам̣ катта̄ хоти. ‘аппиччхо бхиккху аппиччхакатхан̃ча бхиккхӯнам̣ катта̄’ти па̄сам̣саметам̣ т̣ха̄нам̣.

‘‘аттана̄ ча сантут̣т̣хо хоти, сантут̣т̣хикатхан̃ча бхиккхӯнам̣ катта̄ хоти. ‘сантут̣т̣хо бхиккху сантут̣т̣хикатхан̃ча бхиккхӯнам̣ катта̄’ти па̄сам̣саметам̣ т̣ха̄нам̣.

‘‘аттана̄ ча павивитто хоти, павивекакатхан̃ча бхиккхӯнам̣ катта̄ хоти. ‘павивитто бхиккху павивекакатхан̃ча бхиккхӯнам̣ катта̄’ти па̄сам̣саметам̣ т̣ха̄нам̣.

‘‘аттана̄ ча асам̣сат̣т̣хо хоти, асам̣сат̣т̣хакатхан̃ча бхиккхӯнам̣ катта̄ хоти. ‘асам̣сат̣т̣хо бхиккху асам̣сат̣т̣хакатхан̃ча бхиккхӯнам̣ катта̄’ти па̄сам̣саметам̣ т̣ха̄нам̣.

‘‘аттана̄ ча а̄раддхавӣрийо хоти, вӣрийа̄рамбхакатхан̃ча бхиккхӯнам̣ катта̄ хоти. ‘а̄раддхавӣрийо бхиккху вӣрийа̄рамбхакатхан̃ча бхиккхӯнам̣ катта̄’ти па̄сам̣саметам̣ т̣ха̄нам̣.

‘‘аттана̄ ча сӣласампанно хоти, сӣласампада̄катхан̃ча бхиккхӯнам̣ катта̄ хоти. ‘сӣласампанно бхиккху сӣласампада̄катхан̃ча бхиккхӯнам̣ катта̄’ти па̄сам̣саметам̣ т̣ха̄нам̣.

‘‘аттана̄ ча сама̄дхисампанно хоти, сама̄дхисампада̄катхан̃ча бхиккхӯнам̣ катта̄ хоти. ‘сама̄дхисампанно бхиккху сама̄дхисампада̄катхан̃ча бхиккхӯнам̣ катта̄’ти па̄сам̣саметам̣ т̣ха̄нам̣.

‘‘аттана̄ ча пан̃н̃а̄сампанно хоти, пан̃н̃а̄сампада̄катхан̃ча бхиккхӯнам̣ катта̄ хоти. ‘пан̃н̃а̄сампанно бхиккху пан̃н̃а̄сампада̄катхан̃ча бхиккхӯнам̣ катта̄’ти па̄сам̣саметам̣ т̣ха̄нам̣.

‘‘аттана̄ ча вимуттисампанно хоти, вимуттисампада̄катхан̃ча бхиккхӯнам̣ катта̄ хоти. ‘вимуттисампанно бхиккху вимуттисампада̄катхан̃ча бхиккхӯнам̣ катта̄’ти па̄сам̣саметам̣ т̣ха̄нам̣.

‘‘аттана̄ ча вимуттин̃а̄н̣адассанасампанно хоти, вимуттин̃а̄н̣адассанасампада̄катхан̃ча бхиккхӯнам̣ катта̄ хоти. ‘вимуттин̃а̄н̣адассанасампанно бхиккху вимуттин̃а̄н̣адассанасампада̄катхан̃ча бхиккхӯнам̣ катта̄’ти па̄сам̣саметам̣ т̣ха̄нам̣. има̄ни кхо, бхиккхаве, даса па̄сам̣са̄ни т̣ха̄на̄нӣ’’ти. дасамам̣.

йамакавагго дутийо.