14. етадаггавагго

1. пат̣хамавагго

188. ‘‘етадаггам̣, бхиккхаве, мама са̄вака̄нам̣ бхиккхӯнам̣ раттан̃н̃ӯнам̣ йадидам̣ ан̃н̃а̄сикон̣д̣ан̃н̃о’’ [ан̃н̃а̄такон̣д̣ан̃н̃оти (ка.), ан̃н̃а̄кон̣д̣ан̃н̃о (сӣ. сйа̄. кам̣. пӣ.)].

189. … маха̄пан̃н̃а̄нам̣ йадидам̣ са̄рипутто.

190. … иддхиманта̄нам̣ йадидам̣ маха̄моггалла̄но.

191. … дхутава̄да̄нам̣ [дхутан̇гадхара̄нам̣ (каттхачи)] йадидам̣ маха̄кассапо.

192. … диббачаккхука̄нам̣ йадидам̣ ануруддхо.

193. … учча̄кулика̄нам̣ йадидам̣ бхаддийо ка̄л̣игодха̄йапутто.

194. … ман̃джуссара̄нам̣ йадидам̣ лакун̣д̣ака [лакун̣т̣ака (сйа̄. кам̣.)] бхаддийо.

195. … сӣхана̄дика̄нам̣ йадидам̣ пин̣д̣олабха̄радва̄джо.

196. … дхаммакатхика̄нам̣ йадидам̣ пун̣н̣о манта̄н̣ипутто.

197. … сам̣кхиттена бха̄ситасса виттха̄рена аттхам̣ вибхаджанта̄нам̣ йадидам̣ маха̄качча̄ноти.

вагго пат̣хамо.

2. дутийавагго

198. ‘‘етадаггам̣, бхиккхаве, мама са̄вака̄нам̣ бхиккхӯнам̣ маномайам̣ ка̄йам̣ абхинимминанта̄нам̣ йадидам̣ чӯл̣апантхако’’ [чуллапантхако (сӣ. сйа̄. кам̣. пӣ.)].

199. … четовиват̣т̣акусала̄нам̣ йадидам̣ чӯл̣апантхако.

200. … сан̃н̃а̄виват̣т̣акусала̄нам̣ йадидам̣ маха̄пантхако.

201. … аран̣авиха̄рӣнам̣ йадидам̣ субхӯти.

202. … даккхин̣еййа̄нам̣ йадидам̣ субхӯти.

203. … а̄ран̃н̃ака̄нам̣ йадидам̣ ревато кхадираванийо.

204. … джха̄йӣнам̣ йадидам̣ кан̇кха̄ревато.

205. … а̄раддхавӣрийа̄нам̣ йадидам̣ сон̣о кол̣ивисо.

206. … калйа̄н̣ава̄ккаран̣а̄нам̣ йадидам̣ сон̣о кут̣икан̣н̣о.

207. … ла̄бхӣнам̣ йадидам̣ сӣвали.

208. … саддха̄дхимутта̄нам̣ йадидам̣ ваккалӣти.

вагго дутийо.

3. татийавагго

209. ‘‘етадаггам̣, бхиккхаве, мама са̄вака̄нам̣ бхиккхӯнам̣ сиккха̄ка̄ма̄нам̣ йадидам̣ ра̄хуло’’.

210. … саддха̄паббаджита̄нам̣ йадидам̣ рат̣т̣хапа̄ло.

211. … пат̣хамам̣ сала̄кам̣ ган̣ханта̄нам̣ йадидам̣ кун̣д̣адха̄но.

212. … пат̣ибха̄наванта̄нам̣ йадидам̣ ван̇гӣсо.

213. … самантапа̄са̄дика̄нам̣ йадидам̣ упасено ван̇гантапутто.

214. … сена̄санапан̃н̃а̄пака̄нам̣ йадидам̣ даббо маллапутто.

215. … девата̄нам̣ пийамана̄па̄нам̣ йадидам̣ пилиндаваччхо.

216. … кхиппа̄бхин̃н̃а̄нам̣ йадидам̣ ба̄хийо да̄ручӣрийо.

217. … читтакатхика̄нам̣ йадидам̣ кума̄ракассапо.

218. … пат̣исамбхида̄патта̄нам̣ йадидам̣ маха̄кот̣т̣хитоти [маха̄кот̣т̣хикоти (ан̃н̃есу суттесу мараммапоттхаке)].

вагго татийо.

4. чатуттхавагго

219. ‘‘етадаггам̣, бхиккхаве, мама са̄вака̄нам̣ бхиккхӯнам̣ бахуссута̄нам̣ йадидам̣ а̄нандо’’.

220. … сатиманта̄нам̣ йадидам̣ а̄нандо.

221. … гатиманта̄нам̣ йадидам̣ а̄нандо.

222. … дхитиманта̄нам̣ йадидам̣ а̄нандо.

223. … упат̣т̣ха̄ка̄нам̣ йадидам̣ а̄нандо.

224. … маха̄париса̄нам̣ йадидам̣ урувелакассапо.

225. … кулаппаса̄дака̄нам̣ йадидам̣ ка̄л̣уда̄йӣ.

226. … аппа̄ба̄дха̄нам̣ йадидам̣ ба̄куло [баккуло (сӣ. сйа̄. кам̣. пӣ.)].

227. … пуббенива̄сам̣ ануссаранта̄нам̣ йадидам̣ собхито.

228. … винайадхара̄нам̣ йадидам̣ упа̄ли.

229. … бхиккхунова̄дака̄нам̣ йадидам̣ нандако.

230. … индрийесу гуттадва̄ра̄нам̣ йадидам̣ нандо.

231. … бхиккхуова̄дака̄нам̣ йадидам̣ маха̄каппино.

232. … теджодха̄тукусала̄нам̣ йадидам̣ са̄гато.

233. … пат̣ибха̄неййака̄нам̣ йадидам̣ ра̄дхо.

234. … лӯкхачӣварадхара̄нам̣ йадидам̣ могхара̄джа̄ти.

вагго чатуттхо.

5. пан̃чамавагго

235. ‘‘етадаггам̣, бхиккхаве, мама са̄вика̄нам̣ бхиккхунӣнам̣ раттан̃н̃ӯнам̣ йадидам̣ маха̄паджа̄патиготамӣ’’.

236. … маха̄пан̃н̃а̄нам̣ йадидам̣ кхема̄.

237. … иддхимантӣнам̣ йадидам̣ уппалаван̣н̣а̄.

238. … винайадхара̄нам̣ йадидам̣ пат̣а̄ча̄ра̄.

239. … дхаммакатхика̄нам̣ йадидам̣ дхаммадинна̄.

240. … джха̄йӣнам̣ йадидам̣ нанда̄.

241. … а̄раддхавӣрийа̄нам̣ йадидам̣ сон̣а̄.

242. … диббачаккхука̄нам̣ йадидам̣ бакула̄ [сакула̄ (сӣ. сйа̄. кам̣. пӣ.)].

243. … кхиппа̄бхин̃н̃а̄нам̣ йадидам̣ бхадда̄ кун̣д̣алакеса̄.

244. … пуббенива̄сам̣ ануссарантӣнам̣ йадидам̣ бхадда̄ ка̄пила̄нӣ.

245. … маха̄бхин̃н̃аппатта̄нам̣ йадидам̣ бхаддакачча̄на̄.

246. … лӯкхачӣварадхара̄нам̣ йадидам̣ киса̄готамӣ.

247. … саддха̄дхимутта̄нам̣ йадидам̣ син̇га̄лакама̄та̄ти [сига̄лама̄та̄ти (сӣ. сйа̄. кам̣. пӣ.)].

вагго пан̃чамо.

6. чхат̣т̣хавагго

248. ‘‘етадаггам̣, бхиккхаве, мама са̄вака̄нам̣ упа̄сака̄нам̣ пат̣хамам̣ саран̣ам̣ гаччханта̄нам̣ йадидам̣ тапуссабхаллика̄ [тапассубхаллика̄ (сӣ. пӣ.)] ва̄н̣иджа̄’’.

249. … да̄йака̄нам̣ йадидам̣ судатто гахапати ана̄тхапин̣д̣ико.

250. … дхаммакатхика̄нам̣ йадидам̣ читто гахапати маччхика̄сан̣д̣ико.

251. … чатӯхи сан̇гахаваттхӯхи парисам̣ сан̇ган̣ханта̄нам̣ йадидам̣ хаттхако а̄л̣авако.

252. … пан̣ӣтада̄йака̄нам̣ йадидам̣ маха̄на̄мо сакко.

253. … мана̄пада̄йака̄нам̣ йадидам̣ угго гахапати веса̄лико.

254. … сан̇гхупат̣т̣ха̄ка̄нам̣ йадидам̣ хаттхига̄мако уггато гахапати.

255. … авеччаппасанна̄нам̣ йадидам̣ сӯрамбат̣т̣хо [сӯро амбат̣т̣хо (сӣ. сйа̄. кам̣. пӣ.) суребандхо (ка.)].

256. … пуггалаппасанна̄нам̣ йадидам̣ джӣвако кома̄рабхаччо.

257. … висса̄сака̄нам̣ йадидам̣ накулапита̄ гахапатӣти.

вагго чхат̣т̣хо.

7. саттамавагго

258. ‘‘етадаггам̣, бхиккхаве, мама са̄вика̄нам̣ упа̄сика̄нам̣ пат̣хамам̣ саран̣ам̣ гаччхантӣнам̣ йадидам̣ суджа̄та̄ сенийадхӣта̄’’ [сена̄нӣ дхӣта̄ (сӣ. сйа̄. кам̣. пӣ.)].

259. … да̄йика̄нам̣ йадидам̣ виса̄кха̄ мига̄рама̄та̄.

260. … бахуссута̄нам̣ йадидам̣ кхуджджуттара̄.

261. … метта̄виха̄рӣнам̣ йадидам̣ са̄ма̄ватӣ.

262. … джха̄йӣнам̣ йадидам̣ уттара̄нандама̄та̄.

263. … пан̣ӣтада̄йика̄нам̣ йадидам̣ суппава̄са̄ колийадхӣта̄.

264. … гила̄нупат̣т̣ха̄кӣнам̣ йадидам̣ суппийа̄ упа̄сика̄.

265. … авеччаппасанна̄нам̣ йадидам̣ ка̄тийа̄нӣ.

266. … висса̄сика̄нам̣ йадидам̣ накулама̄та̄ гахапата̄нӣ.

267. … ануссаваппасанна̄нам̣ йадидам̣ ка̄л̣ӣ упа̄сика̄ кулагхарика̄ [кулагхарика̄ (ка.)] ти.

вагго саттамо.

етадаггавагго чуддасамо.