𑁧. 𑀓𑀧𑁆𑀧𑀝𑁆𑀞𑀓𑀣𑀸𑀯𑀡𑁆𑀡𑀦𑀸

𑁬𑁫𑁪-𑁬𑁫𑁭. ‘‘𑀳𑁂𑀝𑁆𑀞𑀸 𑀯𑀼𑀢𑁆𑀢𑀸𑀥𑀺𑀧𑁆𑀧𑀸𑀬𑀫𑁂𑀯𑀸’’𑀢𑀺 𑀇𑀤𑀁 𑀇𑀤𑁆𑀥𑀺𑀩𑀮𑀓𑀣𑀸𑀬𑀁 𑀬𑀁 𑀯𑀼𑀢𑁆𑀢𑀁 ‘‘𑀅𑀢𑀻𑀢𑀁 𑀅𑀦𑀸𑀕𑀢𑀦𑁆𑀢𑀺 𑀇𑀤𑀁 𑀅𑀯𑀺𑀲𑁂𑀲𑁂𑀦 𑀓𑀧𑁆𑀧𑀁 𑀢𑀺𑀝𑁆𑀞𑁂𑀬𑁆𑀬𑀸𑀢𑀺 𑀧𑀝𑀺𑀜𑁆𑀜𑀸𑀢𑀢𑁆𑀢𑀸 𑀘𑁄𑀤𑁂𑀢𑀻’’𑀢𑀺𑀆𑀤𑀺, 𑀢𑀁 𑀲𑀦𑁆𑀥𑀸𑀬 𑀯𑀼𑀢𑁆𑀢𑀦𑁆𑀢𑀺 𑀆𑀳 ‘‘𑀳𑁂𑀝𑁆𑀞𑀸𑀢𑀺 𑀇𑀤𑁆𑀥𑀺𑀩𑀮𑀓𑀣𑀸𑀬’’𑀦𑁆𑀢𑀺. 𑀢𑀢𑁆𑀣 ‘‘𑀤𑁆𑀯𑁂 𑀓𑀧𑁆𑀧𑁂’’𑀢𑀺𑀆𑀤𑀺𑀆𑀬𑀼𑀧𑀭𑀺𑀘𑁆𑀙𑁂𑀤𑀸𑀢𑀺𑀓𑁆𑀓𑀫𑀲𑀫𑀢𑁆𑀣𑀢𑀸𑀘𑁄𑀤𑀦𑀸𑀯𑀲𑁂𑀦 𑀆𑀕𑀢𑀸, 𑀇𑀥 𑀧𑀦 𑀲𑀗𑁆𑀖𑀪𑁂𑀤𑀓𑁄 𑀆𑀬𑀼𑀓𑀧𑁆𑀧𑀫𑁂𑀯 𑀅𑀝𑁆𑀞𑀢𑁆𑀯𑀸 𑀬𑀤𑀺 𑀏𑀓𑀁 𑀫𑀳𑀸𑀓𑀧𑁆𑀧𑀁 𑀢𑀺𑀝𑁆𑀞𑁂𑀬𑁆𑀬, 𑀬𑀣𑀸 𑀏𑀓𑀁, 𑀏𑀯𑀁 𑀅𑀦𑁂𑀓𑁂𑀧𑀺 𑀓𑀧𑁆𑀧𑁂 𑀢𑀺𑀝𑁆𑀞𑁂𑀬𑁆𑀬𑀸𑀢𑀺 𑀘𑁄𑀤𑀦𑀸 𑀓𑀸𑀢𑀩𑁆𑀩𑀸.

𑀓𑀧𑁆𑀧𑀝𑁆𑀞𑀓𑀣𑀸𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.