𑁭. 𑀇𑀤𑁆𑀥𑀺𑀩𑀮𑀓𑀣𑀸𑀯𑀡𑁆𑀡𑀦𑀸

𑁬𑁨𑁧-𑁬𑁨𑁪. 𑀬𑀲𑁆𑀫𑀺𑀁 𑀆𑀬𑀼𑀓𑀧𑁆𑀧𑁂 𑀓𑀫𑁆𑀫𑀓𑁆𑀔𑀬𑁂𑀦 𑀫𑀭𑀡𑀁 𑀳𑁄𑀢𑀺, 𑀢𑀁 𑀲𑀦𑁆𑀥𑀸𑀬 𑀯𑀼𑀢𑁆𑀢𑀁 ‘‘𑀓𑀫𑁆𑀫𑀲𑁆𑀲 𑀯𑀺𑀧𑀸𑀓𑀯𑀲𑁂𑀦𑀸’’𑀢𑀺, 𑀬𑀲𑁆𑀫𑀺𑀁 𑀧𑀦 𑀆𑀬𑀼𑀓𑁆𑀔𑀬𑁂𑀦 𑀫𑀭𑀡𑀁 𑀳𑁄𑀢𑀺, 𑀢𑀁 𑀲𑀦𑁆𑀥𑀸𑀬 ‘‘𑀯𑀲𑁆𑀲𑀕𑀡𑀦𑀸𑀬𑀸’’𑀢𑀺. 𑀢𑀢𑁆𑀣 ‘‘𑀦 𑀘 𑀢𑀸𑀯 𑀓𑀸𑀮𑀁 𑀓𑀭𑁄𑀢𑀺, 𑀬𑀸𑀯 𑀦 𑀢𑀁 𑀧𑀸𑀧𑀓𑀫𑁆𑀫𑀁 𑀩𑁆𑀬𑀦𑁆𑀢𑀻 𑀳𑁄𑀢𑀻’’𑀢𑀺 (𑀫. 𑀦𑀺. 𑁩.𑁨𑁫𑁦; 𑀅. 𑀦𑀺. 𑁩.𑁩𑁬) 𑀯𑀘𑀦𑀢𑁄 𑀬𑁂𑀪𑀼𑀬𑁆𑀬𑁂𑀦 𑀦𑀺𑀭𑀬𑁂 𑀓𑀫𑁆𑀫𑀓𑁆𑀔𑀬𑁂𑀦 𑀫𑀭𑀡𑀁 𑀳𑁄𑀢𑀻𑀢𑀺 𑀆𑀳 ‘‘𑀓𑀫𑁆𑀫𑀲𑁆𑀲 𑀯𑀺𑀧𑀸𑀓𑀯𑀲𑁂𑀦 𑀯𑀸𑀢𑀺 𑀦𑀺𑀭𑀬𑀁𑀯 𑀲𑀦𑁆𑀥𑀸𑀬 𑀯𑀼𑀢𑁆𑀢’’𑀦𑁆𑀢𑀺. ‘‘𑀯𑀲𑁆𑀲𑀲𑀢𑀁 𑀯𑀲𑁆𑀲𑀲𑀳𑀲𑁆𑀲𑀁 𑀯𑀲𑁆𑀲𑀲𑀢𑀲𑀳𑀲𑁆𑀲𑀸𑀦𑀻’’𑀢𑀺𑀆𑀤𑀺𑀦𑀸 𑀫𑀦𑀼𑀲𑁆𑀲𑀸𑀦𑀁 𑀤𑁂𑀯𑀸𑀦𑀜𑁆𑀘 𑀆𑀬𑀼𑀧𑀭𑀺𑀘𑁆𑀙𑁂𑀤𑀯𑀘𑀦𑀢𑁄 𑀬𑁂𑀪𑀼𑀬𑁆𑀬𑁂𑀦 𑀢𑁂𑀲𑀁 𑀆𑀬𑀼𑀓𑁆𑀔𑀬𑁂𑀦 𑀫𑀭𑀡𑀁 𑀳𑁄𑀢𑀻𑀢𑀺 𑀯𑀼𑀢𑁆𑀢𑀁 ‘‘𑀯𑀲𑁆𑀲𑀕𑀡𑀦𑀸𑀬 𑀯𑀸𑀢𑀺 𑀫𑀦𑀼𑀲𑁆𑀲𑁂 𑀘𑀸𑀢𑀼𑀫𑀳𑀸𑀭𑀸𑀚𑀺𑀓𑀸𑀤𑀺𑀤𑁂𑀯𑁂 𑀘 𑀲𑀦𑁆𑀥𑀸𑀬𑀸’’𑀢𑀺. ‘‘𑀯𑀼𑀢𑁆𑀢’’𑀦𑁆𑀢𑀺 𑀆𑀦𑁂𑀢𑁆𑀯𑀸 𑀬𑁄𑀚𑁂𑀢𑀩𑁆𑀩𑀁.

𑀇𑀤𑁆𑀥𑀺𑀩𑀮𑀓𑀣𑀸𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.