𑁮. 𑀲𑀫𑀸𑀥𑀺𑀓𑀣𑀸𑀯𑀡𑁆𑀡𑀦𑀸

𑁬𑁨𑁫-𑁬𑁨𑁬. 𑀲𑀫𑀁 𑀞𑀧𑀦𑀝𑁆𑀞𑁂𑀦𑀸𑀢𑀺 𑀲𑀫𑀁 𑀯𑀺𑀲𑀫𑀁 𑀮𑀻𑀦𑀼𑀤𑁆𑀥𑀘𑁆𑀘𑀸𑀤𑀺𑀁 𑀧𑀝𑀺𑀩𑀸𑀳𑀺𑀢𑁆𑀯𑀸, 𑀯𑀺𑀓𑁆𑀔𑁂𑀧𑀫𑁂𑀯 𑀯𑀸 𑀯𑀺𑀤𑁆𑀥𑀁𑀲𑁂𑀢𑁆𑀯𑀸 𑀞𑀧𑀦𑀝𑁆𑀞𑁂𑀦. ‘‘𑀘𑀺𑀢𑁆𑀢𑀲𑀦𑁆𑀢𑀢𑀺 𑀲𑀫𑀸𑀥𑀻’’𑀢𑀺 𑀯𑀤𑀦𑁆𑀢𑁂𑀦 𑀢𑀲𑁆𑀲 𑀘𑁂𑀢𑀲𑀺𑀓𑀪𑀸𑀯𑁄 𑀧𑀝𑀺𑀓𑁆𑀔𑀺𑀢𑁆𑀢𑁄 𑀳𑁄𑀢𑀻𑀢𑀺 𑀆𑀳 ‘‘𑀘𑁂𑀢𑀲𑀺𑀓𑀦𑁆𑀢𑀭𑀁 𑀅𑀢𑁆𑀣𑀻𑀢𑀺 𑀅𑀕𑁆𑀕𑀳𑁂𑀢𑁆𑀯𑀸’’𑀢𑀺. 𑀪𑀸𑀯𑀦𑀸𑀬 𑀆𑀳𑀺𑀢𑀯𑀺𑀲𑁂𑀲𑀸𑀬 𑀏𑀓𑀕𑁆𑀕𑀢𑀸𑀬 𑀯𑀺𑀚𑁆𑀚𑀫𑀸𑀦𑀯𑀺𑀲𑁂𑀲𑀧𑀝𑀺𑀓𑁆𑀔𑁂𑀧𑁄 𑀙𑀮𑀁, 𑀲𑁄 𑀧𑀦𑀲𑁆𑀲 𑀅𑀦𑀸𑀳𑀺𑀢𑀯𑀺𑀲𑁂𑀲𑀸𑀬 𑀏𑀓𑀕𑁆𑀕𑀢𑀸𑀬 𑀲𑀸𑀫𑀜𑁆𑀜𑁂𑀦𑀸𑀢𑀺 𑀆𑀳 ‘‘𑀲𑀸𑀫𑀜𑁆𑀜𑀫𑀢𑁆𑀢𑁂𑀦𑀸’’𑀢𑀺.

𑀲𑀫𑀸𑀥𑀺𑀓𑀣𑀸𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.