𑁪. 𑀜𑀸𑀡𑀓𑀣𑀸𑀯𑀡𑁆𑀡𑀦𑀸

𑁬𑁧𑁪-𑁬𑁧𑁫. ‘‘𑀅𑀦𑁆𑀥𑀓𑀸’’𑀢𑀺 𑀯𑀼𑀢𑁆𑀢𑀸 𑀧𑀼𑀩𑁆𑀩𑀲𑁂𑀮𑀺𑀬𑀅𑀧𑀭𑀲𑁂𑀮𑀺𑀬𑀭𑀸𑀚𑀕𑀺𑀭𑀺𑀓𑀲𑀺𑀤𑁆𑀥𑀢𑁆𑀣𑀺𑀓𑀸𑀧𑀺 𑀬𑁂𑀪𑀼𑀬𑁆𑀬𑁂𑀦 𑀫𑀳𑀸𑀲𑀗𑁆𑀖𑀺𑀓𑀸 𑀏𑀯𑀸𑀢𑀺 𑀯𑀼𑀢𑁆𑀢𑀁 ‘‘𑀧𑀼𑀩𑁆𑀩𑁂…𑀧𑁂… 𑀪𑀯𑁂𑀬𑁆𑀬𑀼’’𑀦𑁆𑀢𑀺. 𑀢𑀢𑁆𑀣 𑀅𑀜𑁆𑀜𑁂𑀢𑀺 𑀯𑀘𑀦𑀁 𑀤𑁆𑀯𑀺𑀦𑁆𑀦𑀁 𑀓𑀣𑀸𑀦𑀁 𑀉𑀚𑀼𑀯𑀺𑀧𑀘𑁆𑀘𑀦𑀻𑀓𑀪𑀸𑀯𑀢𑁄. 𑀧𑀼𑀭𑀺𑀫𑀓𑀸𑀦𑀜𑁆𑀳𑀺 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀸𑀤𑀺𑀲𑀫𑀗𑁆𑀕𑀻 ‘‘𑀜𑀸𑀡𑀻’’𑀢𑀺 𑀯𑀼𑀘𑁆𑀘𑀢𑀺, 𑀇𑀫𑁂𑀲𑀁 𑀲𑁄 𑀏𑀯 ‘‘𑀜𑀸𑀡𑀻’’𑀢𑀺 𑀦 𑀯𑀢𑁆𑀢𑀩𑁆𑀩𑁄𑀢𑀺 𑀯𑀼𑀢𑁆𑀢𑁄. 𑀭𑀸𑀕𑀯𑀺𑀕𑀫𑁄 𑀭𑀸𑀕𑀲𑁆𑀲 𑀲𑀫𑀼𑀘𑁆𑀙𑀺𑀦𑁆𑀤𑀦𑀁, 𑀢𑀣𑀸 𑀅𑀜𑁆𑀜𑀸𑀡𑀯𑀺𑀕𑀫𑁄. 𑀬𑀣𑀸 𑀲𑀫𑀼𑀘𑁆𑀙𑀺𑀦𑁆𑀦𑀸𑀯𑀺𑀚𑁆𑀚𑁄 ‘‘𑀜𑀸𑀡𑀻’’𑀢𑀺, 𑀧𑀝𑀺𑀧𑀓𑁆𑀔𑀢𑁄 ‘‘𑀅𑀜𑁆𑀜𑀸𑀡𑀻’’𑀢𑀺, 𑀏𑀯𑀁 𑀅𑀲𑀫𑀼𑀘𑁆𑀙𑀺𑀦𑁆𑀦𑀸𑀯𑀺𑀚𑁆𑀚𑁄 ‘‘𑀅𑀜𑁆𑀜𑀸𑀡𑀻’’𑀢𑀺, 𑀧𑀝𑀺𑀧𑀓𑁆𑀔𑀢𑁄 ‘‘𑀜𑀸𑀡𑀻’’𑀢𑀺 𑀯𑀼𑀢𑁆𑀢𑁄. 𑀅𑀜𑁆𑀜𑀸𑀡𑀲𑁆𑀲 𑀯𑀺𑀕𑀢𑀢𑁆𑀢𑀸 𑀲𑁄 ‘‘𑀜𑀸𑀡𑀻’’𑀢𑀺 𑀯𑀢𑁆𑀢𑀩𑁆𑀩𑀢𑀁 𑀆𑀧𑀚𑁆𑀚𑀢𑀺, 𑀦 𑀧𑀦 𑀲𑀢𑀢𑀁 𑀲𑀫𑀺𑀢𑀁 𑀜𑀸𑀡𑀲𑁆𑀲 𑀧𑀯𑀢𑁆𑀢𑀦𑀢𑁄𑀢𑀺 𑀅𑀥𑀺𑀧𑁆𑀧𑀸𑀬𑁄.

𑀜𑀸𑀡𑀓𑀣𑀸𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.