𑁯. 𑀦𑀯𑀫𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁮𑁩𑁨. ‘‘𑀲𑀸𑀫𑀺𑀓𑁂 𑀅𑀧𑀮𑁄𑀓𑁂𑀢𑁆𑀯𑀸 𑀙𑀟𑁆𑀟𑁂𑀢𑀻’’𑀢𑀺 𑀓𑀢𑁆𑀣𑀘𑀺 𑀧𑁄𑀢𑁆𑀣𑀓𑁂 𑀦𑀢𑁆𑀣𑀺, 𑀓𑀢𑁆𑀣𑀘𑀺 𑀅𑀢𑁆𑀣𑀺, 𑀅𑀢𑁆𑀣𑀺𑀪𑀸𑀯𑁄𑀯 𑀲𑁂𑀬𑁆𑀬𑁄 𑀓𑀺𑀭𑀺𑀬𑀸𑀓𑀺𑀭𑀺𑀬𑀢𑁆𑀢𑀸 𑀲𑀺𑀓𑁆𑀔𑀸𑀧𑀤𑀲𑁆𑀲. 𑀇𑀥 𑀔𑁂𑀢𑁆𑀢𑀧𑀸𑀮𑀓𑀸, 𑀆𑀭𑀸𑀫𑀸𑀤𑀺𑀕𑁄𑀧𑀓𑀸 𑀘 𑀲𑀸𑀫𑀺𑀓𑀸 𑀏𑀯. ‘‘𑀲𑀗𑁆𑀖𑀲𑁆𑀲 𑀔𑁂𑀢𑁆𑀢𑁂, 𑀆𑀭𑀸𑀫𑁂 𑀘 𑀢𑀢𑁆𑀣 𑀓𑀘𑀯𑀭𑀁 𑀦 𑀙𑀟𑁆𑀟𑁂𑀢𑀩𑁆𑀩𑀦𑁆𑀢𑀺 𑀓𑀢𑀺𑀓𑀸 𑀘𑁂 𑀦𑀢𑁆𑀣𑀺, 𑀪𑀺𑀓𑁆𑀔𑀼𑀲𑁆𑀲 𑀙𑀟𑁆𑀟𑁂𑀢𑀼𑀁 𑀯𑀝𑁆𑀝𑀢𑀺 𑀲𑀗𑁆𑀖𑀧𑀭𑀺𑀬𑀸𑀧𑀦𑁆𑀦𑀢𑁆𑀢𑀸, 𑀦 𑀪𑀺𑀓𑁆𑀔𑀼𑀦𑀻𑀦𑀁. 𑀢𑀸𑀲𑀫𑁆𑀧𑀺 𑀪𑀺𑀓𑁆𑀔𑀼𑀦𑀺𑀲𑀗𑁆𑀖𑀲𑀦𑁆𑀢𑀓𑁂 𑀯𑀼𑀢𑁆𑀢𑀦𑀬𑁂𑀦 𑀯𑀝𑁆𑀝𑀢𑀺, 𑀦 𑀢𑀢𑁆𑀣 𑀪𑀺𑀓𑁆𑀔𑀼𑀲𑁆𑀲, 𑀏𑀯𑀁 𑀲𑀦𑁆𑀢𑁂𑀧𑀺 𑀲𑀸𑀭𑀼𑀧𑁆𑀧𑀯𑀲𑁂𑀦𑁂𑀯 𑀓𑀸𑀢𑀩𑁆𑀩’’𑀦𑁆𑀢𑀺 𑀯𑀼𑀢𑁆𑀢𑀁.

𑀦𑀯𑀫𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.