𑁨. 𑀤𑀼𑀢𑀺𑀬𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁮𑁦𑁦. 𑀲𑀁𑀳𑀭𑀸𑀧𑁂𑀬𑁆𑀬𑀸𑀢𑀺 ‘‘𑀲𑀁𑀳𑀭𑀢𑀺 𑀯𑀸 𑀲𑀁𑀳𑀭𑀸𑀧𑁂𑀢𑀺 𑀯𑀸’’𑀢𑀺 𑀧𑀤𑀪𑀸𑀚𑀦𑀁 𑀯𑁂𑀤𑀺𑀢𑀩𑁆𑀩𑀁. 𑀓𑀺𑀜𑁆𑀘𑀸𑀧𑀺 𑀏𑀢𑁆𑀣 𑀆𑀧𑀢𑁆𑀢𑀺𑀪𑁂𑀤𑁄 𑀦 𑀤𑀲𑁆𑀲𑀺𑀢𑁄, 𑀢𑀣𑀸𑀧𑀺 𑀔𑀼𑀭𑀲𑀡𑁆𑀟𑀸𑀲𑀓𑀢𑁆𑀢𑀭𑀺𑀆𑀤𑀺𑀧𑀭𑀺𑀬𑁂𑀲𑀦𑀖𑀁𑀲𑀦𑀸𑀤𑀻𑀲𑀼 𑀧𑀼𑀩𑁆𑀩𑀧𑀬𑁄𑀕𑁂𑀲𑀼 𑀤𑀼𑀓𑁆𑀓𑀝𑀁 𑀬𑀼𑀚𑁆𑀚𑀢𑀺, 𑀬𑀣𑀸 𑀘𑁂𑀢𑁆𑀣, 𑀏𑀯𑀁 𑀢𑀮𑀖𑀸𑀢𑀓𑀸𑀤𑀺𑀫𑁆𑀳𑀺 𑀘 𑀆𑀧𑀢𑁆𑀢𑀺𑀪𑁂𑀤𑁄 𑀧𑀸𑀴𑀺𑀬𑀁 𑀦 𑀯𑀼𑀢𑁆𑀢𑁄. 𑀬𑀣𑀸𑀲𑀫𑁆𑀪𑀯𑀁 𑀧𑀦 𑀧𑀼𑀩𑁆𑀩𑀧𑀬𑁄𑀕𑁂𑀲𑀼 𑀤𑀼𑀓𑁆𑀓𑀝𑀁 𑀲𑀫𑁆𑀪𑀯𑀢𑀺. 𑀏𑀯𑀁 𑀪𑀺𑀓𑁆𑀔𑀼𑀲𑁆𑀲 𑀏𑀢𑁆𑀣 𑀘 𑀮𑀲𑀼𑀡𑁂 𑀘 𑀤𑀼𑀓𑁆𑀓𑀝𑀁. 𑀇𑀤𑀁 𑀓𑀺𑀭𑀺𑀬𑀸𑀓𑀺𑀭𑀺𑀬𑀦𑁆𑀢𑀺 𑀧𑁄𑀭𑀸𑀡𑀸. 𑀢𑀢𑁆𑀣 ‘‘𑀓𑀺𑀭𑀺𑀬𑀸𑀓𑀺𑀭𑀺𑀬’’𑀦𑁆𑀢𑀺 𑀦 𑀯𑀼𑀢𑁆𑀢𑀁.

𑀤𑀼𑀢𑀺𑀬𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑁮𑁦𑁨-𑁬. 𑀢𑀢𑀺𑀬𑀘𑀢𑀼𑀢𑁆𑀣𑀲𑀺𑀓𑁆𑀔𑀸𑀧𑀤𑀁 𑀉𑀢𑁆𑀢𑀸𑀦𑀢𑁆𑀣𑀫𑁂𑀯.