𑁨. 𑀤𑀼𑀢𑀺𑀬𑀲𑀗𑁆𑀖𑀸𑀤𑀺𑀲𑁂𑀲𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁬𑁮𑁩. 𑀪𑀝𑀺𑀧𑀼𑀢𑁆𑀢𑀓𑀸𑀦𑀁 𑀓𑀼𑀫𑀸𑀭𑀪𑀝𑀺𑀓𑀸𑀦𑀁 𑀕𑀡𑀸 𑀪𑀝𑀺𑀧𑀼𑀢𑁆𑀢𑀕𑀡𑀸. 𑀓𑀧𑁆𑀧𑀦𑁆𑀢𑀺 𑀓𑀧𑁆𑀧𑀺𑀬𑀁. 𑀓𑀧𑁆𑀧𑀕𑀢𑀺𑀓𑀦𑁆𑀢𑀺 𑀓𑀧𑁆𑀧𑀺𑀬𑀲𑀪𑀸𑀯𑀁. 𑀧𑀓𑁆𑀓𑀦𑁆𑀢𑀸𑀲𑀼𑀧𑀻𑀢𑀺 𑀅𑀢𑁆𑀢𑀦𑁄 𑀧𑀭𑀺𑀲𑀁 𑀞𑀧𑁂𑀢𑁆𑀯𑀸 𑀇𑀢𑀭𑀸𑀲𑀼 𑀧𑀓𑁆𑀓𑀦𑁆𑀢𑀸𑀲𑀼. 𑀧𑀡𑁆𑀡𑀢𑁆𑀢𑀺𑀁 𑀅𑀚𑀸𑀦𑀦𑁆𑀢𑀸 𑀅𑀭𑀺𑀬𑀸𑀧𑀺 𑀯𑀼𑀝𑁆𑀞𑀸𑀧𑁂𑀦𑁆𑀢𑀻𑀢𑀺 𑀓𑀢𑁆𑀯𑀸 𑀯𑀸 𑀓𑀫𑁆𑀫𑀯𑀸𑀘𑀸𑀧𑀭𑀺𑀬𑁄𑀲𑀸𑀦𑁂 𑀆𑀧𑀢𑁆𑀢𑀺𑀓𑁆𑀔𑀡𑁂 𑀯𑀺𑀧𑀸𑀓𑀸𑀩𑁆𑀬𑀸𑀓𑀢𑀲𑀫𑀗𑁆𑀕𑀺𑀢𑀸𑀯𑀲𑁂𑀦 𑀯𑀸 ‘‘𑀢𑀺𑀘𑀺𑀢𑁆𑀢’’𑀦𑁆𑀢𑀺 𑀯𑀼𑀢𑁆𑀢𑀦𑁆𑀢𑀺 𑀯𑁂𑀤𑀺𑀢𑀩𑁆𑀩𑀁. ‘‘𑀧𑀩𑁆𑀩𑀸𑀚𑀦𑁂 𑀦 𑀤𑀼𑀓𑁆𑀓𑀝’’𑀦𑁆𑀢𑀺 𑀧𑁄𑀭𑀸𑀡𑀕𑀡𑁆𑀞𑀺𑀧𑀤𑁂 𑀯𑀼𑀢𑁆𑀢𑀁.

𑀤𑀼𑀢𑀺𑀬𑀲𑀗𑁆𑀖𑀸𑀤𑀺𑀲𑁂𑀲𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.