𑁪. 𑀘𑀢𑀼𑀢𑁆𑀣𑀧𑀸𑀭𑀸𑀚𑀺𑀓𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁬𑁭𑁫. ‘‘𑀮𑁄𑀓𑀲𑁆𑀲𑀸𑀤𑀲𑀗𑁆𑀔𑀸𑀢𑀲𑁆𑀲 𑀫𑀺𑀢𑁆𑀢𑀲𑀦𑁆𑀣𑀯𑀲𑁆𑀲 𑀯𑀲𑁂𑀦 𑀢𑀁 𑀤𑀲𑁆𑀲𑁂𑀢𑀼𑀁 𑀓𑀸𑀬𑀲𑀁𑀲𑀕𑁆𑀕𑀭𑀸𑀕𑁂𑀦𑀸𑀢𑀺 𑀯𑀼𑀢𑁆𑀢’’𑀦𑁆𑀢𑀺 𑀮𑀺𑀔𑀺𑀢𑀁. 𑀢𑀺𑀲𑁆𑀲𑀺𑀢𑁆𑀣𑀺𑀬𑁄𑀢𑀺 𑀢𑀻𑀲𑀼 𑀇𑀢𑁆𑀣𑀻𑀲𑀼, 𑀢𑀺𑀲𑁆𑀲𑁄 𑀯𑀸 𑀇𑀢𑁆𑀣𑀺𑀬𑁄. 𑀢𑀁 𑀦 𑀲𑁂𑀯𑁂𑀢𑀺 𑀢𑀸𑀲𑀼 𑀦 𑀲𑁂𑀯𑀢𑀺. 𑀅𑀦𑀭𑀺𑀬𑀸𑀢𑀺 𑀉𑀪𑀢𑁄𑀩𑁆𑀬𑀜𑁆𑀚𑀦𑀸. 𑀩𑁆𑀬𑀜𑁆𑀚𑀦𑀲𑁆𑀫𑀺𑀦𑁆𑀢𑀺 𑀅𑀢𑁆𑀢𑀦𑁄 𑀩𑁆𑀬𑀜𑁆𑀚𑀦𑁂. 𑀦 𑀲𑁂𑀯𑁂𑀢𑀺 𑀦 𑀲𑁂𑀯𑀢𑀺. 𑀦 𑀘𑀸𑀘𑀭𑁂𑀢𑀺 𑀦𑀸𑀘𑀭𑀢𑀺. 𑀯𑀡𑁆𑀡𑀸𑀯𑀡𑁆𑀡𑁄𑀢𑀺 𑀤𑁆𑀯𑀻𑀳𑀺𑀧𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺. 𑀕𑀫𑀦𑀼𑀧𑁆𑀧𑀸𑀤𑀦𑀦𑁆𑀢𑀺 𑀲𑀜𑁆𑀘𑀭𑀺𑀢𑁆𑀢𑀁.

𑁬𑁭𑁬. ‘‘𑀦𑀺𑀯𑀢𑁆𑀣𑀁 𑀯𑀸 𑀧𑀸𑀭𑀼𑀢𑀁 𑀯𑀸’’𑀢𑀺 𑀏𑀢𑁆𑀣 𑀦𑀺𑀯𑀢𑁆𑀣𑀲𑁆𑀲 𑀯𑀸 𑀧𑀸𑀭𑀼𑀢𑀲𑁆𑀲 𑀯𑀸 𑀯𑀢𑁆𑀣𑀲𑁆𑀲 𑀕𑀳𑀡𑀁 𑀲𑀸𑀤𑀺𑀬𑀢𑀻𑀢𑀺 𑀅𑀢𑁆𑀣𑁄.

𑀘𑀢𑀼𑀢𑁆𑀣𑀧𑀸𑀭𑀸𑀚𑀺𑀓𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀧𑀸𑀭𑀸𑀚𑀺𑀓𑀓𑀡𑁆𑀟𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.