𑁯. 𑀤𑀼𑀝𑁆𑀞𑀼𑀮𑁆𑀮𑀸𑀭𑁄𑀘𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁭𑁮-𑁮𑁦. ‘‘𑀢𑁂𑀦𑁂𑀯 𑀳𑀢𑁆𑀣𑁂𑀦 𑀉𑀧𑀓𑁆𑀓𑀫𑀺𑀢𑁆𑀯𑀸 𑀅𑀲𑀼𑀘𑀺𑀁 𑀫𑁄𑀘𑁂𑀲𑀻’’𑀢𑀺 𑀧𑀸𑀞𑁄 𑀲𑀫𑁆𑀧𑀢𑀺𑀧𑀸𑀞𑁄 𑀲𑀼𑀦𑁆𑀤𑀭𑁄. 𑀅𑀧𑀮𑁄𑀓𑁂𑀢𑁆𑀯𑀸𑀯 𑀓𑀸𑀢𑀩𑁆𑀩𑀸. 𑀦𑁄 𑀘𑁂, 𑀧𑀸𑀴𑀺𑀬𑀁𑀬𑁂𑀯 𑀯𑀼𑀢𑁆𑀢𑀁 𑀲𑀺𑀬𑀸. ‘‘𑀑𑀢𑁆𑀢𑀧𑁆𑀧𑁂𑀦𑀸’’𑀢𑀺 𑀯𑀢𑁆𑀢𑀩𑁆𑀩𑁂 𑀭𑀼𑀴𑁆𑀳𑀻𑀯𑀲𑁂𑀦 𑀧𑀭𑁂𑀲𑀼 ‘‘𑀳𑀺𑀭𑁄𑀢𑁆𑀢𑀧𑁆𑀧𑁂𑀦𑀸’’𑀢𑀺 𑀯𑀼𑀢𑁆𑀢𑀁. 𑀫𑀳𑀸𑀅𑀝𑁆𑀞𑀓𑀣𑀸𑀬𑀁 𑀉𑀢𑁆𑀢𑀸𑀦𑀢𑁆𑀢𑀸 𑀦 𑀯𑀼𑀢𑁆𑀢𑀁, 𑀧𑀸𑀘𑀺𑀢𑁆𑀢𑀺𑀬𑀸𑀲𑀫𑁆𑀪𑀯𑀤𑀲𑁆𑀲𑀦𑁂𑀦𑁂𑀯 𑀳𑀺 𑀤𑀼𑀓𑁆𑀓𑀝𑀦𑁆𑀢𑀺 𑀲𑀺𑀤𑁆𑀥𑀁.

𑁮𑁩. 𑀢𑀢𑁆𑀣 ‘‘𑀓𑀫𑁆𑀫’’𑀦𑁆𑀢𑀺 𑀯𑀼𑀢𑁆𑀢𑀅𑀚𑁆𑀛𑀸𑀘𑀸𑀭𑁂𑀧𑀺 𑀧𑀭𑀺𑀬𑀸𑀧𑀦𑁆𑀦𑀢𑁆𑀢𑀸 𑀢𑀁 𑀢𑀲𑁆𑀲 𑀤𑀡𑁆𑀟𑀓𑀫𑁆𑀫𑀯𑀢𑁆𑀣𑀼. ‘‘𑀢𑀢𑁆𑀣 𑀓𑀫𑁆𑀫𑀁 𑀆𑀧𑀦𑁆𑀦𑁄’’𑀢𑀺 𑀧𑀼𑀩𑁆𑀩𑁂𑀧𑀺 𑀮𑀺𑀔𑀺𑀢𑀁. 𑀫𑀳𑀸𑀅𑀝𑁆𑀞𑀓𑀣𑀸𑀬𑀁 ‘‘𑀅𑀢𑁆𑀢𑀓𑀸𑀫𑀁 𑀆𑀧𑀦𑁆𑀦𑁄’’𑀢𑀺 𑀧𑀸𑀞𑁄, ‘‘𑀅𑀬𑀫𑁂𑀯 𑀕𑀳𑁂𑀢𑀩𑁆𑀩𑁄’’𑀢𑀺 𑀯𑀤𑀦𑁆𑀢𑀺, 𑀯𑀻𑀫𑀁𑀲𑀺𑀢𑀩𑁆𑀩𑀁.

𑀤𑀼𑀝𑁆𑀞𑀼𑀮𑁆𑀮𑀸𑀭𑁄𑀘𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.