𑁩. 𑀕𑁄𑀥𑀲𑀓𑁆𑀓𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁦𑁧𑁯. 𑀢𑀻𑀳𑀻𑀢𑀺 𑀭𑀢𑀦𑀢𑁆𑀢𑀬𑁂 𑀉𑀧𑁆𑀧𑀦𑁆𑀦𑁂𑀳𑀺 𑀢𑀻𑀳𑀺 𑀧𑀲𑀸𑀤𑀥𑀫𑁆𑀫𑁂𑀳𑀺. 𑀘𑀢𑀽𑀳𑀻𑀢𑀺 𑀢𑁂𑀳𑀺 𑀏𑀯 𑀲𑀤𑁆𑀥𑀺𑀁 𑀲𑀻𑀮𑁂𑀦. 𑀓𑁄𑀘𑀺𑀤𑁂𑀯𑀸𑀢𑀺𑀆𑀤𑀺 𑀧𑀭𑀺𑀓𑀧𑁆𑀧𑀯𑀲𑁂𑀦 𑀯𑀼𑀢𑁆𑀢𑀁 𑀪𑀕𑀯𑀢𑀺 𑀅𑀢𑁆𑀢𑀦𑁄 𑀲𑀤𑁆𑀥𑀸𑀬 𑀉𑀴𑀸𑀭𑀢𑀫𑀪𑀸𑀯𑀤𑀲𑁆𑀲𑀦𑀢𑁆𑀣𑀁. 𑀢𑁂𑀦𑀸𑀳 ‘‘𑀪𑀕𑀯𑀢𑁄 𑀲𑀩𑁆𑀩𑀜𑁆𑀜𑀼𑀢𑀸𑀬𑀸’’𑀢𑀺𑀆𑀤𑀺. 𑀥𑀫𑁆𑀫𑁄 𑀲𑀫𑀼𑀧𑁆𑀧𑀸𑀤𑁄𑀢𑀺 𑀯𑀺𑀯𑀸𑀤𑀥𑀫𑁆𑀫𑀉𑀧𑁆𑀧𑀢𑁆𑀢𑀺𑀳𑁂𑀢𑀼. 𑀢𑀤𑁂𑀯 𑀳𑀺 𑀲𑀦𑁆𑀥𑀸𑀬𑀸𑀳 ‘‘𑀓𑀺𑀜𑁆𑀘𑀺𑀤𑁂𑀯 𑀓𑀸𑀭𑀡’’𑀦𑁆𑀢𑀺. 𑀓𑀸𑀭𑀡𑀦𑁆𑀢𑀺 𑀦𑀸𑀦𑀸𑀓𑀸𑀭𑀡𑀁. 𑀓𑀮𑁆𑀬𑀸𑀡𑀓𑀼𑀲𑀮𑀯𑀺𑀫𑀼𑀢𑁆𑀢𑀦𑁆𑀢𑀺 𑀅𑀓𑀮𑁆𑀬𑀸𑀡𑀁 𑀅𑀓𑀼𑀲𑀮𑀁, 𑀢𑀤𑀺𑀤𑀁 𑀬𑀣𑀸𑀯𑀼𑀢𑁆𑀢𑀅𑀧𑁆𑀧𑀲𑀸𑀤𑀦𑁂𑀦 𑀅𑀧𑀦𑀻𑀢𑀅𑀢𑁆𑀣𑀤𑀲𑁆𑀲𑀦𑀢𑁆𑀣𑀁. 𑀅𑀲𑁆𑀲𑀸𑀢𑀺 𑀫𑀳𑀸𑀦𑀸𑀫𑀲𑀓𑁆𑀓𑀲𑁆𑀲. 𑀅𑀦𑀯𑀚𑁆𑀚𑀦𑀤𑁄𑀲𑁄 𑀏𑀲𑁄𑀢𑀺 𑀘𑀢𑀽𑀲𑀼 𑀥𑀫𑁆𑀫𑁂𑀲𑀼 𑀏𑀓𑁂𑀦𑀧𑀺 𑀲𑀫𑀦𑁆𑀦𑀸𑀕𑀢𑁄 𑀲𑁄𑀢𑀸𑀧𑀦𑁆𑀦𑁄 𑀳𑁄𑀢𑀻𑀢𑀺 𑀅𑀦𑀼𑀚𑀸𑀦𑀺𑀢𑁆𑀯𑀸 𑀘𑀢𑀽𑀳𑀺𑀧𑀺 𑀲𑀫𑀦𑁆𑀦𑀸𑀕𑀢𑁂𑀦 𑀆𑀘𑀺𑀓𑁆𑀔𑀺𑀢𑀩𑁆𑀩𑀦𑁆𑀢𑀺 𑀬𑀸𑀣𑀸𑀯𑀢𑁄 𑀅𑀦𑀯𑀚𑁆𑀚𑀦𑀤𑁄𑀲𑁄𑀢𑀺 𑀅𑀢𑁆𑀣𑁄.