𑁪. 𑀧𑀞𑀫𑀲𑀭𑀡𑀸𑀦𑀺𑀲𑀓𑁆𑀓𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁦𑁨𑁦. 𑀧𑀫𑀸𑀡𑁂𑀦𑀸𑀢𑀺 𑀏𑀓𑁂𑀦 𑀧𑀫𑀸𑀡𑁂𑀦, 𑀦 𑀲𑀩𑁆𑀩𑀲𑁄. 𑀑𑀮𑁄𑀓𑀦𑀁 𑀔𑀫𑀦𑁆𑀢𑀻𑀢𑀺 𑀤𑀲𑁆𑀲𑀦𑀫𑀕𑁆𑀕𑁂𑀦 𑀘𑀢𑀼𑀲𑀘𑁆𑀘𑀥𑀫𑁆𑀫𑀸 𑀧𑀘𑁆𑀘𑀢𑁆𑀢𑀁 𑀧𑀲𑁆𑀲𑀺𑀢𑀩𑁆𑀩𑀸 𑀧𑀝𑀺𑀯𑀺𑀚𑁆𑀛𑀺𑀢𑀩𑁆𑀩𑀸. 𑀧𑀞𑀫𑀫𑀕𑁆𑀕𑀓𑁆𑀔𑀡𑁂 𑀳𑀺 𑀘𑀢𑀼𑀲𑀘𑁆𑀘𑀥𑀫𑁆𑀫𑀸 𑀏𑀓𑀤𑁂𑀲𑀢𑁄𑀯 𑀤𑀺𑀝𑁆𑀞𑀸 𑀦𑀸𑀫 𑀳𑁄𑀦𑁆𑀢𑀺. ‘‘𑀧𑀭𑀺𑀫𑀼𑀘𑁆𑀘𑀢𑀻’’𑀢𑀺 𑀧𑀦 𑀯𑀢𑁆𑀢𑀼𑀁 𑀯𑀝𑁆𑀝𑀢𑀺 𑀧𑀝𑀺𑀯𑀺𑀚𑁆𑀛𑀦𑀓𑀺𑀭𑀺𑀬𑀸𑀬 𑀯𑀢𑁆𑀢𑀫𑀸𑀦𑀢𑁆𑀢𑀸. 𑀅𑀕𑀦𑁆𑀢𑁆𑀯𑀸 𑀅𑀧𑀸𑀬𑁂𑀲𑀼 𑀅𑀦𑀼𑀧𑁆𑀧𑀢𑁆𑀢𑀺𑀭𑀳𑀢𑁆𑀢𑀸. 𑀢𑁂𑀦𑀸𑀳 ‘‘𑀦 𑀕𑀘𑁆𑀙𑀢𑀻’’𑀢𑀺, 𑀦 𑀉𑀧𑁆𑀧𑀚𑁆𑀚𑀢𑀻𑀢𑀺 𑀅𑀢𑁆𑀣𑁄. 𑀫𑀳𑀸𑀲𑀸𑀭𑀭𑀼𑀓𑁆𑀔𑁂 𑀤𑀲𑁆𑀲𑁂𑀦𑁆𑀢𑁄 𑀆𑀳 𑁋 ‘‘𑀬𑁄 𑀓𑁄𑀘𑀺 𑀯𑀺𑀜𑁆𑀜𑀼𑀚𑀸𑀢𑀺𑀓𑁄 𑀫𑀫 𑀘𑁂 𑀕𑁄𑀘𑀭𑀁 𑀕𑀘𑁆𑀙𑀢𑀺, 𑀏𑀓𑀲𑁆𑀲 𑀆𑀕𑀫𑀦𑀁 𑀅𑀯𑀜𑁆𑀛𑀁 𑀅𑀫𑁄𑀖’’𑀦𑁆𑀢𑀺 𑀤𑀲𑁆𑀲𑁂𑀢𑀼𑀁.