𑁫-𑁧𑁦. 𑀅𑀦𑀼𑀲𑀬𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁧𑁭𑁬-𑁧𑁮𑁧. 𑀣𑀸𑀫𑀕𑀢𑀝𑁆𑀞𑁂𑀦𑀸𑀢𑀺 𑀲𑀢𑁆𑀢𑀲𑀦𑁆𑀢𑀸𑀦𑁂 𑀣𑀺𑀭𑀪𑀸𑀯𑀽𑀧𑀕𑀫𑀦𑀪𑀸𑀯𑁂𑀦. 𑀣𑀸𑀫𑀕𑀢𑀦𑁆𑀢𑀺 𑀘 𑀅𑀜𑁆𑀜𑁂𑀳𑀺 𑀅𑀲𑀸𑀥𑀸𑀭𑀡𑁄 𑀓𑀸𑀫𑀭𑀸𑀕𑀸𑀤𑀻𑀦𑀁𑀬𑁂𑀯 𑀆𑀯𑁂𑀡𑀺𑀓𑁄 𑀲𑀪𑀸𑀯𑁄 𑀤𑀝𑁆𑀞𑀩𑁆𑀩𑁄. 𑀓𑀸𑀫𑀭𑀸𑀕𑁄𑀯𑀸𑀢𑀺 𑀓𑀸𑀫𑀭𑀸𑀕𑁄 𑀏𑀯 𑀅𑀧𑁆𑀧𑀳𑀻𑀦𑁄. 𑀲𑁄 𑀲𑀢𑀺 𑀧𑀘𑁆𑀘𑀬𑀮𑀸𑀪𑁂 𑀉𑀧𑁆𑀧𑀚𑁆𑀚𑀦𑀸𑀭𑀳𑀢𑀸𑀬 𑀲𑀦𑁆𑀢𑀸𑀦𑁂 𑀅𑀦𑀼𑀲𑁂𑀢𑀻𑀢𑀺 𑀅𑀦𑀼𑀲𑀬𑁄. 𑀲𑁂𑀲𑁂𑀲𑀼𑀧𑀻𑀢𑀺 𑀧𑀝𑀺𑀖𑀸𑀦𑀼𑀲𑀬𑀸𑀤𑀻𑀲𑀼. 𑀑𑀭𑀫𑁆𑀪𑀸𑀕𑁄 𑀯𑀼𑀘𑁆𑀘𑀢𑀺 𑀓𑀸𑀫𑀥𑀸𑀢𑀼 𑀭𑀽𑀧𑀸𑀭𑀽𑀧𑀪𑀸𑀯𑀢𑁄 𑀳𑁂𑀝𑁆𑀞𑀸𑀪𑀽𑀢𑀢𑁆𑀢𑀸. 𑀢𑀢𑁆𑀣 𑀧𑀯𑀢𑁆𑀢𑀺𑀬𑀸 𑀧𑀘𑁆𑀘𑀬𑀪𑀸𑀯𑀢𑁄 𑀑𑀭𑀫𑁆𑀪𑀸𑀕𑀺𑀬𑀸𑀦𑀺 𑀬𑀣𑀸 ‘‘𑀧𑀘𑁆𑀙𑀺𑀬𑁄 𑀕𑁄𑀤𑀼𑀳𑀓𑁄’’𑀢𑀺. 𑀲𑀁𑀬𑁄𑀚𑁂𑀦𑁆𑀢𑀻𑀢𑀺 𑀲𑀁𑀬𑁄𑀚𑀦𑀸𑀦𑀺, 𑀳𑁂𑀝𑁆𑀞𑀸 𑀯𑀺𑀬 𑀅𑀢𑁆𑀣𑁄 𑀯𑀢𑁆𑀢𑀩𑁆𑀩𑁄. 𑀉𑀤𑁆𑀥𑀫𑁆𑀪𑀸𑀕𑁄 𑀫𑀳𑀕𑁆𑀕𑀢𑀪𑀸𑀕𑁄, 𑀢𑀲𑁆𑀲 𑀳𑀺𑀢𑀸𑀦𑀻𑀢𑀺 𑀲𑀩𑁆𑀩𑀁 𑀳𑁂𑀝𑁆𑀞𑀸 𑀯𑀼𑀢𑁆𑀢𑀦𑀬𑀢𑁆𑀢𑀸 𑀦 𑀯𑀼𑀢𑁆𑀢𑀦𑁆𑀢𑀺 𑀅𑀥𑀺𑀧𑁆𑀧𑀸𑀬𑁄.

𑀅𑀦𑀼𑀲𑀬𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀑𑀖𑀯𑀕𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀫𑀕𑁆𑀕𑀲𑀁𑀬𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.