𑁧𑁨. 𑀧𑀭𑀁𑀫𑀭𑀡𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁫𑁫. 𑀬𑀣𑀸 𑀅𑀢𑀻𑀢𑀓𑀧𑁆𑀧𑁂 𑀅𑀢𑀻𑀢𑀸𑀲𑀼 𑀚𑀸𑀢𑀻𑀲𑀼 𑀓𑀫𑁆𑀫𑀓𑀺𑀮𑁂𑀲𑀯𑀲𑁂𑀦 𑀆𑀕𑀢𑁄, 𑀢𑀣𑀸 𑀏𑀢𑀭𑀳𑀺𑀧𑀺 𑀆𑀕𑀢𑁄𑀢𑀺 𑀢𑀣𑀸𑀕𑀢𑁄, 𑀬𑀣𑀸 𑀬𑀣𑀸 𑀯𑀸 𑀧𑀦 𑀓𑀫𑁆𑀫𑀁 𑀓𑀢𑀽𑀧𑀘𑀺𑀢𑀁, 𑀢𑀣𑀸 𑀢𑀁 𑀢𑀁 𑀅𑀢𑁆𑀢𑀪𑀸𑀯𑀁 𑀆𑀕𑀢𑁄 𑀉𑀧𑀕𑀢𑁄 𑀉𑀧𑀧𑀦𑁆𑀦𑁄𑀢𑀺 𑀢𑀣𑀸𑀕𑀢𑁄, 𑀲𑀢𑁆𑀢𑁄𑀢𑀺 𑀆𑀳 ‘‘𑀢𑀣𑀸𑀕𑀢𑁄𑀢𑀺 𑀲𑀢𑁆𑀢𑁄’’𑀢𑀺. 𑀏𑀢𑀦𑁆𑀢𑀺 ‘‘𑀏𑀯𑀁 𑀳𑁄𑀢𑀺 𑀪𑀯𑀢𑀺 𑀢𑀺𑀝𑁆𑀞𑀢𑀺 𑀲𑀲𑁆𑀲𑀢𑀺𑀲𑀫’’𑀦𑁆𑀢𑀺 𑀏𑀯𑀁 𑀧𑀯𑀢𑁆𑀢𑀁 𑀤𑀺𑀝𑁆𑀞𑀺𑀕𑀢𑀁. 𑀅𑀢𑁆𑀣𑀲𑀦𑁆𑀦𑀺𑀲𑁆𑀲𑀺𑀢𑀁 𑀦 𑀳𑁄𑀢𑀻𑀢𑀺 𑀤𑀺𑀝𑁆𑀞𑀥𑀫𑁆𑀫𑀺𑀓𑀲𑀫𑁆𑀧𑀭𑀸𑀬𑀺𑀓𑀧𑀭𑀫𑀢𑁆𑀣𑀢𑁄 𑀲𑀼𑀔𑀦𑁆𑀢𑀺 𑀧𑀲𑀢𑁆𑀣𑀲𑀦𑁆𑀦𑀺𑀲𑁆𑀲𑀺𑀢𑀁 𑀦 𑀳𑁄𑀢𑀺. 𑀆𑀤𑀺𑀩𑁆𑀭𑀳𑁆𑀫𑀘𑀭𑀺𑀬𑀓𑀦𑁆𑀢𑀺 𑀏𑀢𑁆𑀣 𑀫𑀕𑁆𑀕𑀩𑁆𑀭𑀳𑁆𑀫𑀘𑀭𑀺𑀬𑀁 𑀅𑀥𑀺𑀧𑁆𑀧𑁂𑀢𑀁 𑀢𑀲𑁆𑀲 𑀧𑀥𑀸𑀦𑀪𑀸𑀯𑀢𑁄. 𑀢𑀲𑁆𑀲 𑀧𑀦 𑀏𑀢𑀁 𑀤𑀺𑀝𑁆𑀞𑀺𑀕𑀢𑀁 𑀆𑀤𑀺𑀧𑀝𑀺𑀧𑀤𑀸𑀫𑀢𑁆𑀢𑀁 𑀦 𑀳𑁄𑀢𑀺 𑀅𑀦𑀼𑀧𑀓𑀸𑀭𑀓𑀢𑁆𑀢𑀸 𑀯𑀺𑀮𑁄𑀫𑀦𑀢𑁄 𑀘. 𑀢𑀢𑁄 𑀏𑀯 𑀇𑀢𑀭𑀩𑁆𑀭𑀳𑁆𑀫𑀘𑀭𑀺𑀬𑀲𑁆𑀲𑀧𑀺 𑀅𑀦𑀺𑀲𑁆𑀲𑀬𑁄𑀯. 𑀲𑁂𑀲𑀁 𑀯𑀼𑀢𑁆𑀢𑀦𑀬𑁂𑀦 𑀯𑁂𑀤𑀺𑀢𑀩𑁆𑀩𑀁.

𑀧𑀭𑀁𑀫𑀭𑀡𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.