𑁫. 𑀏𑀓𑀦𑁆𑀢𑀤𑀼𑀓𑁆𑀔𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁧𑁮. 𑀏𑀓𑀦𑁆𑀢𑁂𑀦𑁂𑀯 𑀤𑀼𑀓𑁆𑀔𑀸𑀢𑀺 𑀅𑀯𑀻𑀘𑀺𑀫𑀳𑀸𑀦𑀺𑀭𑀬𑁄 𑀯𑀺𑀬 𑀏𑀓𑀦𑁆𑀢𑀢𑁄 𑀤𑀼𑀓𑁆𑀔𑀸 𑀏𑀯 𑀲𑀼𑀔𑁂𑀦 𑀅𑀯𑁄𑀫𑀺𑀲𑁆𑀲𑀸. 𑀤𑀼𑀓𑁆𑀔𑁂𑀦 𑀅𑀦𑀼𑀧𑀢𑀺𑀢𑀸𑀢𑀺 𑀤𑀼𑀓𑁆𑀔𑁂𑀦𑁂𑀯 𑀲𑀩𑁆𑀩𑀲𑁄 𑀉𑀧𑀕𑀢𑀸. 𑀤𑀼𑀓𑁆𑀔𑁂𑀦 𑀑𑀓𑁆𑀓𑀦𑁆𑀢𑀸𑀢𑀺 𑀩𑀳𑀺𑀤𑁆𑀥𑀸 𑀯𑀺𑀬 𑀅𑀦𑁆𑀢𑁄𑀧𑀺 𑀤𑀼𑀓𑁆𑀔𑁂𑀦 𑀅𑀯𑀓𑁆𑀓𑀦𑁆𑀢𑀸 𑀅𑀦𑀼𑀧𑀯𑀺𑀝𑁆𑀞𑀸. 𑀲𑀼𑀔𑀯𑁂𑀤𑀦𑀸𑀧𑀘𑁆𑀘𑀬𑀢𑀸𑀬 𑀇𑀫𑀸𑀲𑀁 𑀥𑀸𑀢𑀽𑀦𑀁 𑀲𑀼𑀔𑀢𑀸 𑀯𑀺𑀬 𑀤𑀼𑀓𑁆𑀔𑀯𑁂𑀤𑀦𑀸𑀧𑀘𑁆𑀘𑀬𑀢𑀸𑀧𑀺 𑀯𑁂𑀤𑀺𑀢𑀩𑁆𑀩𑀸, 𑀲𑀗𑁆𑀔𑀸𑀭𑀤𑀼𑀓𑁆𑀔𑀢𑀸 𑀧𑀦 𑀲𑀩𑁆𑀩𑀢𑁆𑀣 𑀘𑀭𑀺𑀢𑀸 𑀏𑀯. 𑀲𑀩𑁆𑀩𑀢𑁆𑀣𑀸𑀢𑀺 𑀲𑀩𑁆𑀩𑀸𑀲𑀼 𑀥𑀸𑀢𑀽𑀲𑀼, 𑀲𑀩𑁆𑀩𑀝𑁆𑀞𑀸𑀦𑁂𑀲𑀼 𑀯𑀸. 𑀧𑀞𑀫𑀁 𑀲𑀼𑀔𑀁 𑀤𑀲𑁆𑀲𑁂𑀢𑁆𑀯𑀸𑀧𑀺 𑀧𑀘𑁆𑀙𑀸 𑀤𑀼𑀓𑁆𑀔𑀲𑁆𑀲 𑀓𑀣𑀺𑀢𑀢𑁆𑀢𑀸 ‘‘𑀤𑀼𑀓𑁆𑀔𑀮𑀓𑁆𑀔𑀡𑀁 𑀓𑀣𑀺𑀢’’𑀦𑁆𑀢𑀺 𑀯𑀼𑀢𑁆𑀢𑀁.

𑀏𑀓𑀦𑁆𑀢𑀤𑀼𑀓𑁆𑀔𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.