𑁪. 𑀧𑀣𑀯𑀻𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁭𑁮-𑁮𑁪. 𑀘𑀓𑁆𑀓𑀯𑀸𑀴𑀩𑁆𑀪𑀦𑁆𑀢𑀭𑀸𑀬𑀸𑀢𑀺 𑀘𑀓𑁆𑀓𑀯𑀸𑀴𑀧𑀩𑁆𑀩𑀢𑀲𑁆𑀲 𑀅𑀦𑁆𑀢𑁄𑀕𑀥𑀸𑀬.

𑀙𑀝𑁆𑀞𑀸𑀤𑀻𑀲𑀼 𑀯𑀼𑀢𑁆𑀢𑀦𑀬𑁂𑀦𑁂𑀯𑀸𑀢𑀺 𑀇𑀥 𑀙𑀝𑁆𑀞𑀲𑀼𑀢𑁆𑀢𑀸𑀤𑀻𑀲𑀼 𑀧𑀞𑀫𑀲𑀼𑀢𑁆𑀢𑀸𑀤𑀻𑀲𑀼 𑀯𑀼𑀢𑁆𑀢𑀦𑀬𑁂𑀦𑁂𑀯𑀸𑀢𑀺 𑀅𑀢𑁆𑀣𑁄 𑀯𑁂𑀤𑀺𑀢𑀩𑁆𑀩𑁄 𑀯𑀺𑀲𑁂𑀲𑀸𑀪𑀸𑀯𑀢𑁄.

𑀧𑀭𑀺𑀬𑁄𑀲𑀸𑀦𑁂𑀢𑀺 𑀇𑀫𑀲𑁆𑀲 𑀅𑀪𑀺𑀲𑀫𑀬𑀲𑀁𑀬𑀼𑀢𑁆𑀢𑀲𑁆𑀲 𑀑𑀲𑀸𑀦𑀝𑁆𑀞𑀸𑀦𑁂. 𑀅𑀜𑁆𑀜𑀢𑀺𑀢𑁆𑀣𑀺𑀬𑀲𑀫𑀡𑀩𑁆𑀭𑀸𑀳𑁆𑀫𑀡𑀧𑀭𑀺𑀩𑁆𑀩𑀸𑀚𑀓𑀸𑀦𑀦𑁆𑀢𑀺 𑀅𑀜𑁆𑀜𑀢𑀺𑀢𑁆𑀣𑀺𑀬𑀸𑀦𑀁. 𑀕𑀼𑀡𑀸𑀥𑀺𑀕𑀫𑁄𑀢𑀺 𑀛𑀸𑀦𑀸𑀪𑀺𑀜𑁆𑀜𑀸𑀲𑀳𑀺𑀢𑁄 𑀕𑀼𑀡𑀸𑀥𑀺𑀕𑀫𑁄. 𑀲𑀢𑀪𑀸𑀕𑀫𑁆𑀧𑀺…𑀧𑁂… 𑀦 𑀉𑀧𑀕𑀘𑁆𑀙𑀢𑀺 𑀲𑀘𑁆𑀘𑀧𑀝𑀺𑀯𑁂𑀥𑀲𑁆𑀲 𑀫𑀳𑀸𑀦𑀼𑀪𑀸𑀯𑀢𑁆𑀢𑀸. 𑀢𑁂𑀦𑀸𑀳 𑀪𑀕𑀯𑀸 𑀧𑀘𑁆𑀘𑀓𑁆𑀔𑀲𑀩𑁆𑀩𑀥𑀫𑁆𑀫𑁄 ‘‘𑀏𑀯𑀁 𑀫𑀳𑀸𑀥𑀺𑀕𑀫𑁄, 𑀪𑀺𑀓𑁆𑀔𑀯𑁂, 𑀤𑀺𑀝𑁆𑀞𑀺𑀲𑀫𑁆𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀏𑀯𑀁 𑀫𑀳𑀸𑀪𑀺𑀜𑁆𑀜𑁄’’𑀢𑀺.

𑀧𑀣𑀯𑀻𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀲𑀸𑀭𑀢𑁆𑀣𑀧𑁆𑀧𑀓𑀸𑀲𑀺𑀦𑀺𑀬𑀸 𑀲𑀁𑀬𑀼𑀢𑁆𑀢𑀦𑀺𑀓𑀸𑀬-𑀅𑀝𑁆𑀞𑀓𑀣𑀸𑀬

𑀅𑀪𑀺𑀲𑀫𑀬𑀲𑀁𑀬𑀼𑀢𑁆𑀢𑀯𑀡𑁆𑀡𑀦𑀸𑀬 𑀮𑀻𑀦𑀢𑁆𑀣𑀧𑁆𑀧𑀓𑀸𑀲𑀦𑀸 𑀲𑀫𑀢𑁆𑀢𑀸.