𑁪. 𑀦𑀯𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁩𑁮. 𑀅𑀪𑀺𑀘𑁂𑀢𑀲𑀺 𑀦𑀺𑀲𑁆𑀲𑀺𑀢𑀸 𑀆𑀪𑀺𑀘𑁂𑀢𑀲𑀺𑀓𑀸. 𑀧𑀝𑀺𑀧𑀓𑁆𑀔𑀯𑀺𑀥𑀫𑀦𑁂𑀦 𑀅𑀪𑀺𑀯𑀺𑀲𑀺𑀝𑁆𑀞𑀁 𑀘𑀺𑀢𑁆𑀢𑀁 𑀅𑀪𑀺𑀘𑀺𑀢𑁆𑀢𑀁. 𑀬𑀲𑁆𑀫𑀸 𑀛𑀸𑀦𑀸𑀦𑀁 𑀢𑀁𑀲𑀫𑁆𑀧𑀬𑀼𑀢𑁆𑀢𑀁 𑀘𑀺𑀢𑁆𑀢𑀁 𑀦𑀺𑀲𑁆𑀲𑀸𑀬 𑀧𑀘𑁆𑀘𑀬𑁄 𑀳𑁄𑀢𑀺𑀬𑁂𑀯, 𑀢𑀲𑁆𑀫𑀸 ‘‘𑀦𑀺𑀲𑁆𑀲𑀺𑀢𑀸𑀦’’𑀦𑁆𑀢𑀺 𑀯𑀼𑀢𑁆𑀢𑀁. 𑀦𑀺𑀓𑀸𑀫𑀮𑀸𑀪𑀻𑀢𑀺 𑀬𑀣𑀺𑀘𑁆𑀙𑀺𑀢𑀮𑀸𑀪𑀻. 𑀬𑀣𑀸𑀧𑀭𑀺𑀘𑁆𑀙𑁂𑀤𑁂𑀦𑀸𑀢𑀺 𑀬𑀣𑀸𑀓𑀢𑁂𑀦 𑀓𑀸𑀮𑀧𑀭𑀺𑀘𑁆𑀙𑁂𑀤𑁂𑀦. 𑀯𑀺𑀧𑀼𑀮𑀮𑀸𑀪𑀻𑀢𑀺 𑀅𑀧𑁆𑀧𑀫𑀸𑀡𑀮𑀸𑀪𑀻. ‘‘𑀓𑀲𑀺𑀭’’𑀦𑁆𑀢𑀺 𑀳𑀺 𑀧𑀭𑀺𑀢𑁆𑀢𑀁 𑀯𑀼𑀘𑁆𑀘𑀢𑀺, 𑀢𑀧𑁆𑀧𑀝𑀺𑀧𑀓𑁆𑀔𑁂𑀦 𑀅𑀓𑀲𑀺𑀭𑀁 𑀅𑀧𑁆𑀧𑀫𑀸𑀡𑀁. 𑀢𑁂𑀦𑀸𑀳 ‘‘𑀧𑀕𑀼𑀡𑀚𑁆𑀛𑀸𑀦𑁄𑀢𑀺 𑀅𑀢𑁆𑀣𑁄’’𑀢𑀺. 𑀲𑀺𑀣𑀺𑀮𑀫𑀸𑀭𑀩𑁆𑀪𑀸𑀢𑀺 𑀲𑀺𑀣𑀺𑀮𑀁 𑀯𑀻𑀭𑀺𑀬𑀸𑀭𑀫𑁆𑀪𑀁 𑀓𑀢𑁆𑀯𑀸𑀢𑀺 𑀅𑀢𑁆𑀣𑁄𑀢𑀺 𑀆𑀳 ‘‘𑀲𑀺𑀣𑀺𑀮𑀁 𑀯𑀻𑀭𑀺𑀬𑀁 𑀧𑀯𑀢𑁆𑀢𑁂𑀢𑁆𑀯𑀸’’𑀢𑀺.

𑀦𑀯𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.