𑁭. 𑀢𑀭𑀼𑀡𑀭𑀼𑀓𑁆𑀔𑀲𑀼𑀢𑁆𑀢𑀯𑀡𑁆𑀡𑀦𑀸

𑁫𑁭-𑁫𑁯. 𑀧𑀮𑀺𑀫𑀚𑁆𑀚𑁂𑀬𑁆𑀬𑀸𑀢𑀺 𑀅𑀮𑁆𑀮𑀓𑀭𑀡𑀯𑀲𑁂𑀦 𑀧𑀭𑀺𑀢𑁄 𑀧𑀸𑀴𑀺𑀁 𑀩𑀦𑁆𑀥𑁂𑀬𑁆𑀬. 𑀢𑀣𑀸 𑀓𑀭𑁄𑀦𑁆𑀢𑁄 𑀬𑀲𑁆𑀫𑀸 𑀘 𑀢𑀢𑁆𑀣 𑀢𑀺𑀡𑀕𑀘𑁆𑀙𑀸𑀤𑀻𑀦𑀁 𑀫𑀽𑀮𑀲𑀦𑁆𑀢𑀸𑀦𑀕𑁆𑀕𑀳𑀡𑁂𑀦 𑀢𑀁 𑀞𑀸𑀦𑀁 𑀲𑁄𑀥𑁂𑀢𑀺 𑀦𑀸𑀫, 𑀢𑀲𑁆𑀫𑀸 𑀯𑀼𑀢𑁆𑀢𑀁 ‘‘𑀲𑁄𑀥𑁂𑀬𑁆𑀬𑀸’’𑀢𑀺. 𑀧𑀁𑀲𑀼𑀦𑁆𑀢𑀺 𑀅𑀲𑁆𑀲 𑀧𑀯𑀟𑁆𑀠𑀓𑀸𑀭𑀓𑀁, 𑀆𑀕𑀦𑁆𑀢𑀼𑀓𑀁 𑀧𑀁𑀲𑀼𑀦𑁆𑀢𑀺 𑀅𑀢𑁆𑀣𑁄. 𑀤𑀤𑁂𑀬𑁆𑀬𑀸𑀢𑀺 𑀧𑀓𑁆𑀔𑀺𑀧𑁂𑀬𑁆𑀬. 𑀢𑁂𑀦𑀸𑀳 ‘‘𑀣𑀤𑁆𑀥’’𑀦𑁆𑀢𑀺𑀆𑀤𑀺. 𑀯𑀼𑀢𑁆𑀢𑀦𑀬𑁂𑀦𑁂𑀯𑀸𑀢𑀺 ‘‘𑀭𑀼𑀓𑁆𑀔𑀁 𑀦𑀸𑀲𑁂𑀢𑀼𑀓𑀸𑀫𑁄 𑀧𑀼𑀭𑀺𑀲𑁄 𑀯𑀺𑀬𑀸’’𑀢𑀺𑀆𑀤𑀺𑀦𑀸 𑀧𑀜𑁆𑀘𑀫𑀲𑀼𑀢𑁆𑀢𑁂 𑀯𑀼𑀢𑁆𑀢𑀦𑀬𑁂𑀦. 𑀅𑀝𑁆𑀞𑀫𑀦𑀯𑀫𑀸𑀦𑀺 𑀉𑀢𑁆𑀢𑀸𑀦𑀢𑁆𑀣𑀸𑀦𑁂𑀯 𑀯𑀼𑀢𑁆𑀢𑀦𑀬𑀢𑁆𑀢𑀸.

𑀢𑀭𑀼𑀡𑀭𑀼𑀓𑁆𑀔𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.