𑁧. 𑀤𑀲𑀩𑀮𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁧. 𑀧𑀞𑀫𑀁 𑀤𑀼𑀢𑀺𑀬𑀲𑁆𑀲𑁂𑀯 𑀲𑀗𑁆𑀔𑁂𑀧𑁄 𑀧𑀞𑀫𑀲𑀼𑀢𑁆𑀢𑁂 𑀲𑀗𑁆𑀔𑁂𑀧𑀯𑀼𑀢𑁆𑀢𑀲𑁆𑀲 𑀅𑀢𑁆𑀣𑀲𑁆𑀲 𑀯𑀺𑀢𑁆𑀣𑀸𑀭𑀯𑀲𑁂𑀦 𑀤𑀼𑀢𑀺𑀬𑀲𑀼𑀢𑁆𑀢𑀲𑁆𑀲 𑀤𑁂𑀲𑀺𑀢𑀢𑁆𑀢𑀸, 𑀢𑀜𑁆𑀘 𑀧𑀦 𑀪𑀕𑀯𑀸 𑀧𑀞𑀫𑀲𑀼𑀢𑁆𑀢𑀁 𑀲𑀗𑁆𑀔𑁂𑀧𑀢𑁄 𑀤𑁂𑀲𑁂𑀲𑀺, 𑀤𑀼𑀢𑀺𑀬𑀁 𑀢𑀢𑁄 𑀯𑀺𑀢𑁆𑀣𑀸𑀭𑀢𑁄. 𑀧𑀞𑀫𑀁 𑀯𑀸 𑀲𑀁𑀔𑀺𑀢𑁆𑀢𑀭𑀼𑀘𑀻𑀦𑀁 𑀧𑀼𑀕𑁆𑀕𑀮𑀸𑀦𑀁 𑀅𑀚𑁆𑀛𑀸𑀲𑀬𑁂𑀦 𑀲𑀗𑁆𑀔𑁂𑀧𑀢𑁄 𑀤𑁂𑀲𑁂𑀲𑀺, 𑀤𑀼𑀢𑀺𑀬𑀁 𑀧𑀦 𑀅𑀢𑁆𑀢𑀦𑁄 𑀭𑀼𑀘𑀺𑀬𑀸 𑀢𑀢𑁄 𑀯𑀺𑀢𑁆𑀣𑀸𑀭𑀢𑁄. 𑀲𑀻𑀳𑀲𑀫𑀸𑀦𑀯𑀼𑀢𑁆𑀢𑀺𑀓𑀸 𑀳𑀺 𑀩𑀼𑀤𑁆𑀥𑀸 𑀪𑀕𑀯𑀦𑁆𑀢𑁄, 𑀢𑁂 𑀅𑀢𑁆𑀢𑀦𑁄 𑀭𑀼𑀘𑀺𑀬𑀸 𑀓𑀣𑁂𑀦𑁆𑀢𑀸 𑀅𑀢𑁆𑀢𑀦𑁄 𑀣𑀸𑀫𑀁 𑀤𑀲𑁆𑀲𑁂𑀦𑁆𑀢𑀸𑀯 𑀓𑀣𑁂𑀦𑁆𑀢𑀺, 𑀢𑀲𑁆𑀫𑀸 𑀤𑀼𑀢𑀺𑀬𑀲𑀼𑀢𑁆𑀢𑀯𑀲𑁂𑀦 𑀘𑁂𑀢𑁆𑀣 𑀅𑀢𑁆𑀣𑀯𑀡𑁆𑀡𑀦𑀁 𑀓𑀭𑀺𑀲𑁆𑀲𑀸𑀫, 𑀢𑀲𑁆𑀫𑀺𑀁 𑀲𑀁𑀯𑀡𑁆𑀡𑀺𑀢𑁂 𑀧𑀞𑀫𑀁 𑀲𑀁𑀯𑀡𑁆𑀡𑀺𑀢𑀫𑁂𑀯 𑀳𑁄𑀢𑀻𑀢𑀺 𑀅𑀥𑀺𑀧𑁆𑀧𑀸𑀬𑁄.

𑀤𑀲𑀩𑀮𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.