𑁮. 𑀕𑀳𑀝𑁆𑀞𑀯𑀦𑁆𑀤𑀦𑀸𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁬𑁪. 𑀧𑀼𑀣𑀼𑀤𑁆𑀤𑀺𑀲𑀸𑀢𑀺 𑀩𑀳𑀼𑀤𑀺𑀲𑀸. 𑀓𑀸 𑀧𑀦 𑀢𑀸𑀢𑀺 𑀆𑀳 ‘‘𑀘𑀢𑀲𑁆𑀲𑁄 𑀤𑀺𑀲𑀸 𑀘𑀢𑀲𑁆𑀲𑁄 𑀅𑀦𑀼𑀤𑀺𑀲𑀸 𑀘𑀸’’𑀢𑀺. 𑀅𑀦𑀼𑀤𑀺𑀲𑀸𑀕𑀳𑀡𑁂𑀦 𑀘𑁂𑀢𑁆𑀣 𑀉𑀤𑁆𑀥𑀁 𑀅𑀥𑁄𑀧𑀺 𑀕𑀬𑁆𑀳𑀢𑀻𑀢𑀺 𑀘 𑀤𑀲𑁆𑀲𑁂𑀢𑀺. 𑀪𑀽𑀫𑀺𑀯𑀸𑀲𑀺𑀦𑁄𑀢𑀺 𑀪𑀽𑀫𑀺𑀧𑀝𑀺𑀩𑀤𑁆𑀥𑀯𑀼𑀢𑁆𑀢𑀺𑀦𑁄. 𑀏𑀢𑁂𑀦 𑀭𑀼𑀓𑁆𑀔𑀧𑀩𑁆𑀩𑀢𑀦𑀺𑀯𑀸𑀲𑀺𑀦𑁄𑀧𑀺 𑀕𑀳𑀺𑀢𑀸 𑀳𑁄𑀦𑁆𑀢𑀺. 𑀘𑀺𑀭𑀭𑀢𑁆𑀢𑀲𑀫𑀸𑀳𑀺𑀢𑀘𑀺𑀢𑁆𑀢𑁂𑀢𑀺 𑀉𑀧𑀘𑀸𑀭𑀧𑁆𑀧𑀦𑀸𑀛𑀸𑀦𑀸𑀦𑀺 𑀉𑀧𑁆𑀧𑀸𑀤𑁂𑀢𑁆𑀯𑀸 𑀅𑀧𑀭𑀺𑀳𑀻𑀦𑀚𑁆𑀛𑀸𑀦𑀢𑀸𑀬 𑀘𑀺𑀭𑀓𑀸𑀮𑀁 𑀲𑀫𑀸𑀳𑀺𑀢𑀘𑀺𑀢𑁆𑀢𑁂. 𑀆𑀧𑀸𑀡𑀓𑁄𑀝𑀺𑀓𑀦𑁆𑀢𑀺 𑀚𑀻𑀯𑀺𑀢𑀧𑀭𑀺𑀬𑀦𑁆𑀢𑀁 𑀬𑀸𑀯𑀚𑀻𑀯𑀁. 𑀏𑀯𑀫𑀸𑀤𑀻𑀢𑀺 𑀆𑀤𑀺-𑀲𑀤𑁆𑀤𑁂𑀦 𑀅𑀯𑀲𑁂𑀲𑀧𑀼𑀜𑁆𑀜𑀓𑀺𑀭𑀺𑀬𑀯𑀢𑁆𑀣𑀽𑀦𑀺 𑀲𑀗𑁆𑀕𑀡𑁆𑀳𑀸𑀢𑀺. 𑀦𑀺𑀘𑁆𑀘𑀲𑀻𑀮𑀯𑀲𑁂𑀦 𑀧𑀜𑁆𑀘𑀳𑀺, 𑀦𑀺𑀬𑀫𑀲𑀻𑀮𑀯𑀲𑁂𑀦 𑀤𑀲𑀳𑀺. 𑀧𑀺-𑀲𑀤𑁆𑀤𑁂𑀦 𑀢𑀢𑁄 𑀓𑀢𑀺𑀧𑀬𑁂𑀳𑀺 𑀉𑀧𑁄𑀲𑀣𑀲𑀻𑀮𑀯𑀲𑁂𑀦 𑀅𑀝𑁆𑀞𑀳𑀺𑀧𑀻𑀢𑀺 𑀤𑀲𑁆𑀲𑁂𑀢𑀺. 𑀥𑀫𑁆𑀫𑀺𑀓𑁂𑀳𑀻𑀢𑀺 𑀥𑀫𑁆𑀫𑀢𑁄 𑀅𑀦𑀧𑁂𑀢𑁂𑀳𑀺. 𑀧𑀫𑀼𑀔𑁄𑀢𑀺 𑀧𑀫𑁄𑀓𑁆𑀔𑁄.

𑀕𑀳𑀝𑁆𑀞𑀯𑀦𑁆𑀤𑀦𑀸𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.