𑁫. 𑀭𑀸𑀫𑀡𑁂𑀬𑁆𑀬𑀓𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁬𑁧. 𑀆𑀭𑀫𑀦𑁆𑀢𑀺 𑀏𑀢𑁆𑀣 𑀲𑀢𑁆𑀢𑀸𑀢𑀺 𑀆𑀭𑀸𑀫𑀸, 𑀫𑀦𑁄𑀭𑀫𑀸 𑀉𑀧𑀯𑀦𑀸𑀤𑀬𑁄. 𑀢𑁂 𑀏𑀯 𑀘𑁂𑀢𑁂𑀦𑁆𑀢𑀺 𑀏𑀢𑁆𑀣 𑀲𑀤𑁆𑀥𑀸𑀬 𑀅𑀢𑁆𑀢𑀦𑁄 𑀧𑀻𑀢𑀺𑀲𑁄𑀫𑀦𑀲𑁆𑀲𑀁 𑀲𑀦𑁆𑀥𑀳𑀦𑁆𑀢𑀻𑀢𑀺 𑀘𑁂𑀢𑀺𑀬𑀸𑀢𑀺 𑀘 𑀯𑀼𑀘𑁆𑀘𑀦𑁆𑀢𑀺. 𑀫𑀦𑀼𑀲𑁆𑀲𑀭𑀫𑀡𑀻𑀬𑀪𑀸𑀯𑀲𑁆𑀲𑀸𑀢𑀺 𑀫𑀦𑀼𑀲𑁆𑀲𑀸𑀦𑀁 𑀆𑀭𑀫𑀡𑀻𑀬𑀪𑀸𑀯𑀲𑁆𑀲. 𑀢𑀲𑁆𑀲 𑀧𑀦 𑀲𑀻𑀮𑀸𑀤𑀺𑀕𑀼𑀡𑀯𑀲𑁂𑀦 𑀅𑀘𑀺𑀦𑁆𑀢𑁂𑀬𑁆𑀬𑀸𑀧𑀭𑀺𑀫𑁂𑀬𑁆𑀬𑀸𑀦𑀼𑀪𑀸𑀯𑀢𑀸𑀧𑀺 𑀳𑁄𑀢𑀻𑀢𑀺 𑀪𑀕𑀯𑀸 ‘‘𑀦𑀸𑀕𑁆𑀖𑀦𑁆𑀢𑀺 𑀲𑁄𑀴𑀲𑀺’’𑀦𑁆𑀢𑀺 𑀅𑀯𑁄𑀘. 𑀅𑀘𑁂𑀢𑀦𑀸𑀬 𑀪𑀽𑀫𑀺𑀬𑀸 𑀭𑀫𑀡𑀻𑀬𑀢𑀸 𑀦𑀸𑀫 𑀕𑀼𑀡𑀯𑀺𑀲𑀺𑀝𑁆𑀞𑀸𑀦𑀁 𑀅𑀭𑀺𑀬𑀸𑀦𑀁 𑀲𑁂𑀯𑀦𑀯𑀲𑁂𑀦 𑀯𑁂𑀤𑀺𑀢𑀩𑁆𑀩𑀸𑀢𑀺 𑀯𑀼𑀢𑁆𑀢𑀁 ‘‘𑀇𑀤𑀸𑀦𑀺…𑀧𑁂… 𑀕𑀸𑀫𑁂 𑀯𑀸𑀢𑀺𑀆𑀤𑀺𑀫𑀸𑀳𑀸’’𑀢𑀺.

𑀭𑀸𑀫𑀡𑁂𑀬𑁆𑀬𑀓𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.