𑁬. 𑀬𑀚𑀫𑀸𑀦𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁬𑁨. 𑀬𑀚𑀦𑁆𑀢𑀸𑀦𑀦𑁆𑀢𑀺 𑀤𑀓𑁆𑀔𑀺𑀡𑁂𑀬𑁆𑀬𑀁 𑀉𑀤𑁆𑀤𑀺𑀲𑁆𑀲 𑀤𑁂𑀦𑁆𑀢𑀸𑀦𑀁. 𑀅𑀝𑁆𑀞𑀼𑀧𑁆𑀧𑀢𑁆𑀢𑀺𑀓𑁄 𑀲𑀼𑀢𑁆𑀢𑀦𑀺𑀓𑁆𑀔𑁂𑀧𑁄𑀢𑀺 𑀤𑀲𑁆𑀲𑁂𑀢𑁆𑀯𑀸 𑀅𑀢𑁆𑀣𑀯𑀡𑁆𑀡𑀦𑀁 𑀓𑀸𑀢𑀼𑀁 ‘‘𑀢𑀤𑀸 𑀓𑀺𑀭𑀸’’𑀢𑀺𑀆𑀤𑀺 𑀯𑀼𑀢𑁆𑀢𑀁. 𑀅𑀕𑁆𑀕𑀦𑁆𑀢𑀺 𑀲𑁂𑀝𑁆𑀞𑀁. 𑀢𑁂𑀳𑀺 𑀢𑁂𑀳𑀺 𑀯𑀸 𑀬𑀣𑀸𑀮𑀤𑁆𑀥𑀲𑀧𑁆𑀧𑀺𑀆𑀤𑀬𑁄 𑀫𑀸 𑀦𑀲𑁆𑀲𑀦𑁆𑀢𑀼, 𑀅𑀕𑁆𑀕𑀪𑀸𑀯𑁂𑀦 𑀕𑀳𑀺𑀢𑀸𑀦𑀺 𑀲𑀧𑁆𑀧𑀺𑀆𑀤𑀻𑀦𑀺 𑀓𑁂𑀯𑀮𑀁 𑀅𑀕𑁆𑀕𑀺𑀫𑁆𑀳𑀺 𑀛𑀸𑀧𑀦𑁂𑀦, 𑀤𑁂𑀯𑀸 𑀫𑀦𑀼𑀲𑁆𑀲𑀸 𑀫𑀺𑀘𑁆𑀙𑀸𑀕𑀸𑀳𑁂𑀦 𑀫𑀸 𑀦𑀲𑁆𑀲𑀦𑁆𑀢𑀼. 𑀢𑀓𑁆𑀓𑁂𑀦𑀸𑀢𑀺 𑀢𑀓𑁆𑀓𑀫𑀢𑁆𑀢𑁂𑀦. ‘‘𑀓𑀣𑁂𑀫𑀸’’𑀢𑀺 𑀅𑀫𑁆𑀳𑁂 𑀫𑀜𑁆𑀜𑀣, 𑀇𑀤𑀸𑀦𑀺 𑀧𑀲𑁆𑀲𑀣, 𑀧𑀘𑁆𑀘𑀓𑁆𑀔𑀢𑁄 𑀅𑀬𑀁 𑀯𑁄…𑀧𑁂… 𑀆𑀕𑀘𑁆𑀙𑀢𑀻𑀢𑀺 𑀆𑀳𑀁𑀲𑀽𑀢𑀺 𑀬𑁄𑀚𑀦𑀸.

𑀉𑀧𑀥𑀺𑀯𑀺𑀧𑀸𑀓𑀦𑁆𑀢𑀺 𑀉𑀧𑀥𑀻𑀲𑀼 𑀯𑀸 𑀯𑀺𑀧𑀘𑁆𑀘𑀢𑀺, 𑀉𑀧𑀥𑀬𑁄 𑀯𑀸 𑀯𑀺𑀧𑀸𑀓𑀸 𑀏𑀢𑀲𑁆𑀲𑀸𑀢𑀺 𑀉𑀧𑀥𑀺𑀯𑀺𑀧𑀸𑀓𑀁. 𑀯𑀺𑀧𑁆𑀨𑀸𑀭𑀯𑀦𑁆𑀢𑀁 𑀳𑁄𑀢𑀺 𑀯𑀺𑀧𑀼𑀮𑀧𑀓𑁆𑀔𑀢𑀸𑀬. 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀅𑀤𑀁𑀲𑀼 ‘‘𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀫𑀳𑀸𑀩𑁆𑀭𑀳𑁆𑀫𑀼𑀦𑀸 𑀘 𑀏𑀯𑀁 𑀑𑀯𑀸𑀤𑁄 𑀤𑀺𑀦𑁆𑀦𑁄’’𑀢𑀺.

𑀬𑀚𑀫𑀸𑀦𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.