𑁨𑁬. 𑀧𑀜𑁆𑀘𑀸𑀩𑀸𑀥𑀯𑀢𑁆𑀣𑀼𑀓𑀣𑀸

𑁮𑁮. 𑀫𑀕𑀥𑁂𑀲𑀽𑀢𑀺 𑀏𑀢𑁆𑀣 𑀩𑀳𑀼𑀯𑀘𑀦𑀧𑀤𑁂𑀦 𑀯𑀼𑀢𑁆𑀢𑀢𑁆𑀢𑀸 𑀚𑀦𑀧𑀤𑀲𑁆𑀲 𑀦𑀸𑀫𑀦𑁆𑀢𑀺 𑀆𑀳 ‘‘𑀫𑀕𑀥𑀦𑀸𑀫𑀓𑁂 𑀚𑀦𑀧𑀤𑁂’’𑀢𑀺. 𑀅𑀫𑀦𑀼𑀲𑁆𑀲𑀸𑀦𑀜𑁆𑀘𑀸𑀢𑀺 𑀫𑀦𑀼𑀲𑁆𑀲𑁂𑀳𑀺 𑀅𑀜𑁆𑀜𑀲𑀢𑁆𑀢𑀸𑀦𑀜𑁆𑀘. 𑀉𑀲𑁆𑀲𑀦𑁆𑀦𑀲𑀤𑁆𑀤𑁄 𑀘 𑀉𑀲𑁆𑀲𑀤𑀲𑀤𑁆𑀤𑁄 𑀘 𑀯𑀼𑀟𑁆𑀠𑀺𑀧𑁆𑀧𑀢𑁆𑀢𑀧𑀭𑀺𑀬𑀸𑀬𑁄𑀢𑀺 𑀆𑀳 ‘‘𑀉𑀲𑁆𑀲𑀦𑁆𑀦𑀸 𑀯𑀼𑀟𑁆𑀠𑀺𑀧𑁆𑀧𑀢𑁆𑀢𑀸’’𑀢𑀺. ‘‘𑀨𑀸𑀢𑀺𑀧𑁆𑀧𑀢𑁆𑀢𑀸’’𑀢𑀺 𑀇𑀫𑀺𑀦𑀸 𑀢𑀫𑁂𑀯𑀢𑁆𑀣𑀁 𑀤𑀲𑁆𑀲𑁂𑀢𑀺. 𑀢𑁂𑀳𑀻𑀢𑀺 𑀓𑀼𑀝𑁆𑀞𑀸𑀤𑀻𑀳𑀺 𑀧𑀜𑁆𑀘𑀳𑀺 𑀆𑀩𑀸𑀥𑁂𑀳𑀺.

𑀢𑀢𑁆𑀣𑀸𑀢𑀺 𑀓𑀼𑀝𑁆𑀞𑀸𑀤𑀻𑀲𑀼 𑀧𑀜𑁆𑀘𑀲𑀼 𑀆𑀩𑀸𑀥𑁂𑀲𑀼. 𑀆𑀩𑀸𑀥𑀺𑀓𑀁 𑀆𑀪𑀼𑀲𑁄 𑀩𑀸𑀥𑀢𑀺 𑀧𑀻𑀴𑁂𑀢𑀻𑀢𑀺 𑀆𑀩𑀸𑀥𑁄, 𑀅𑀗𑁆𑀕𑀧𑀘𑁆𑀘𑀗𑁆𑀕𑀁 𑀓𑀼𑀝𑀢𑀺 𑀙𑀺𑀦𑁆𑀤𑀢𑀻𑀢𑀺 𑀓𑀼𑀝𑁆𑀞𑀁. ‘‘𑀭𑀢𑁆𑀢𑀓𑀼𑀝𑁆𑀞𑀁 𑀯𑀸’’𑀢𑀺𑀆𑀤𑀻𑀲𑀼 𑀯𑀸𑀲𑀤𑁆𑀤𑁂𑀦 𑀲𑁂𑀢𑀓𑀼𑀝𑁆𑀞𑀸𑀤𑀻𑀦𑀺𑀧𑀺 𑀲𑀗𑁆𑀕𑀡𑁆𑀳𑀸𑀢𑀺. 𑀓𑀻𑀝𑀺𑀪 𑀤𑀤𑁆𑀤𑀼 𑀔𑀚𑁆𑀚𑀼 𑀆𑀤𑀺𑀧𑁆𑀧𑀪𑁂𑀤𑀫𑁆𑀧𑀻𑀢𑀺 𑀓𑀻𑀝𑀺𑀪𑁄 𑀘 𑀤𑀤𑁆𑀤𑀼 𑀘 𑀔𑀚𑁆𑀚𑀼 𑀘 𑀓𑀻𑀝𑀺𑀪𑀤𑀤𑁆𑀤𑀼𑀔𑀚𑁆𑀚𑀼𑀬𑁄, 𑀢𑀸 𑀆𑀤𑀬𑁄 𑀬𑁂𑀲𑀁 𑀓𑀼𑀝𑁆𑀞𑀸𑀦𑀦𑁆𑀢𑀺 𑀓𑀻𑀝𑀺𑀪𑀤𑀤𑁆𑀤𑀼𑀔𑀚𑁆𑀚𑀼𑀆𑀤𑀬𑁄, 𑀢𑁂𑀲𑀁 𑀧𑀪𑁂𑀤𑁄 𑀓𑀻𑀝𑀺𑀪𑀤𑀤𑁆𑀤𑀼 𑀔𑀚𑁆𑀚𑀼𑀆𑀤𑀺𑀧𑁆𑀧𑀪𑁂𑀤𑁄, 𑀢𑀫𑁆𑀧𑀺. 𑀢𑀢𑁆𑀣 𑀓𑀻𑀝𑀺𑀪𑁄𑀢𑀺 𑀓𑀻𑀝 𑀇𑀪𑁄𑀢𑀺 𑀧𑀤𑀯𑀺𑀪𑀸𑀕𑁄 𑀓𑀸𑀢𑀩𑁆𑀩𑁄. 𑀢𑀢𑁆𑀣 𑀓𑀻𑀝𑁄𑀢𑀺 𑀓𑀺𑀫𑀺. 𑀇𑀫𑀺𑀦𑀸 𑀓𑀻𑀝𑀓𑀼𑀮𑀸𑀯𑀓𑀁 ‘‘𑀓𑀻𑀝𑁄’’𑀢𑀺 𑀕𑀳𑁂𑀢𑀩𑁆𑀩𑀁, 𑀓𑀻𑀝𑁄 𑀯𑀺𑀬𑀸𑀢𑀺 𑀓𑀻𑀝𑁄, 𑀓𑀼𑀝𑁆𑀞𑀯𑀺𑀲𑁂𑀲𑁄. 𑀇𑀪𑁄𑀢𑀺 𑀕𑀚𑁄. 𑀇𑀫𑀺𑀦𑀸 𑀕𑀚𑀲𑁆𑀲 𑀲𑀩𑀮𑀁 ‘‘𑀇𑀪𑁄’’𑀢𑀺 𑀕𑀳𑁂𑀢𑀩𑁆𑀩𑀁. 𑀇𑀪𑁄 𑀯𑀺𑀬𑀸𑀢𑀺 𑀇𑀪𑁄, 𑀓𑀼𑀝𑁆𑀞𑀯𑀺𑀲𑁂𑀲𑁄. 𑀓𑀻𑀝𑁄𑀬𑁂𑀯 𑀇𑀪𑁄 𑀓𑀻𑀝𑀺𑀪𑁄, 𑀓𑀼𑀝𑁆𑀞𑀸𑀩𑀸𑀥𑀯𑀺𑀲𑁂𑀲𑁄, 𑀬𑀁 𑀮𑁄𑀓𑁂 ‘‘𑀓𑀼𑀝𑁆𑀝𑀸𑀩𑀸𑀥 𑀯𑀺𑀲𑁂𑀲𑁄’’𑀇𑀢𑀺 𑀯𑁄𑀳𑀭𑀦𑁆𑀢𑀺. 𑀤𑀤𑁆𑀤𑀽𑀢𑀺 𑀓𑀘𑁆𑀙𑀼. 𑀲𑀸 𑀳𑀺 𑀲𑀭𑀻𑀭𑀁 𑀤𑀁𑀲𑀢𑀺 𑀯𑀺𑀤𑀁𑀲𑀢𑀺, 𑀳𑀺𑀁𑀲𑀢𑀻𑀢𑀺 𑀯𑀸 𑀤𑀤𑁆𑀤𑀼𑀢𑀺 𑀯𑀼𑀘𑁆𑀘𑀢𑀺. 𑀏𑀓𑀲𑁆𑀲 𑀤𑀓𑀸𑀭𑀲𑁆𑀲 𑀭𑀓𑀸𑀭𑀁 𑀓𑀢𑁆𑀯𑀸 ‘‘𑀤𑀤𑁆𑀤𑀼’’𑀢𑀺𑀧𑀺 𑀧𑀸𑀞𑁄. 𑀬𑀁 𑀮𑁄𑀓𑁂 ‘‘𑀧𑁆𑀯𑁂:’’𑀇𑀢𑀺 𑀯𑁄𑀳𑀭𑀦𑁆𑀢𑀺. 𑀔𑀚𑁆𑀚𑀽𑀢𑀺 𑀓𑀡𑁆𑀟𑀼𑀯𑀦𑀁. 𑀢𑀜𑁆𑀳𑀺 𑀲𑀭𑀻𑀭𑀁 𑀔𑀚𑁆𑀚𑀢𑀺 𑀩𑁆𑀬𑀣𑀢𑀺 𑀔𑀤𑀢𑀺, 𑀳𑀺𑀁𑀲𑀢𑀻𑀢𑀺 𑀯𑀸 𑀔𑀚𑁆𑀚𑀽𑀢𑀺 𑀯𑀼𑀘𑁆𑀘𑀢𑀺. 𑀬𑀁 𑀮𑁄𑀓𑁂 ‘‘𑀔𑀚𑁆𑀚’’𑀇𑀢𑀺 𑀯𑁄𑀳𑀭𑀦𑁆𑀢𑀺. ‘‘𑀓𑀘𑁆𑀙𑀽’’𑀢𑀺𑀧𑀺 𑀧𑀸𑀞𑁄, 𑀲𑁄 𑀅𑀧𑀸𑀞𑁄 𑀤𑀤𑁆𑀤𑀼𑀲𑀤𑁆𑀤𑁂𑀦 𑀢𑀲𑁆𑀲 𑀕𑀳𑀺𑀢𑀢𑁆𑀢𑀸. 𑀢𑀦𑁆𑀢𑀺 𑀓𑀼𑀝𑁆𑀞𑀁. 𑀧𑀓𑀢𑀺𑀧𑀝𑀺𑀘𑁆𑀙𑀦𑁆𑀦𑀝𑁆𑀞𑀸𑀦𑁂𑀢𑀺 𑀧𑀓𑀢𑀺𑀬𑀸 𑀧𑀝𑀺𑀘𑁆𑀙𑀦𑁆𑀦𑀝𑁆𑀞𑀸𑀦𑁂, 𑀬𑀣𑀸𑀦𑀺𑀯𑀢𑁆𑀣𑀧𑀸𑀭𑀼𑀢𑀝𑁆𑀞𑀸𑀦𑁂𑀢𑀺 𑀅𑀢𑁆𑀣𑁄. 𑀇𑀫𑀺𑀦𑀸 𑀯𑀺𑀲𑁂𑀲𑀢𑁄 𑀧𑀝𑀺𑀘𑁆𑀙𑀦𑁆𑀦𑀁 𑀦𑀺𑀯𑀢𑁆𑀢𑁂𑀢𑀺. 𑀅𑀯𑀟𑁆𑀠𑀦𑀓𑀧𑀓𑁆𑀔𑁂 𑀞𑀺𑀢𑀁 𑀲𑀘𑁂 𑀳𑁄𑀢𑀻𑀢𑀺 𑀬𑁄𑀚𑀦𑀸. 𑀧𑀓𑀢𑀺𑀯𑀡𑁆𑀡𑁂𑀢𑀺 =𑁦𑁭 𑀧𑀓𑀢𑀺𑀙𑀯𑀺𑀬𑀁. 𑀬𑀣𑀸 𑀅𑀯𑀡𑀸 𑀙𑀯𑀺 𑀳𑁄𑀢𑀺, 𑀢𑀣𑀸𑀢𑀺 𑀅𑀢𑁆𑀣𑁄. 𑀇𑀤𑀁 𑀯𑀡𑀯𑀢𑁆𑀣𑀼𑀁 𑀲𑀦𑁆𑀥𑀸𑀬 𑀦 𑀯𑀼𑀢𑁆𑀢𑀁.

𑀫𑁂𑀤𑀕𑀡𑁆𑀟𑁄𑀢𑀺 𑀫𑁂𑀤𑁄 𑀅𑀲𑁆𑀫𑀺𑀁 𑀅𑀢𑁆𑀣𑀻𑀢𑀺 𑀫𑁂𑀤𑁄, 𑀕𑀡𑁆𑀟𑀢𑀺 𑀨𑁄𑀝𑁄 𑀪𑀯𑀢𑀻𑀢𑀺 𑀕𑀡𑁆𑀟𑁄, 𑀫𑁂𑀤𑁄𑀬𑁂𑀯 𑀕𑀡𑁆𑀟𑁄 𑀫𑁂𑀤𑀕𑀡𑁆𑀟𑁄. 𑀬𑀁 𑀮𑁄𑀓𑁂 ‘‘𑀫𑁂𑀤𑀕𑀡𑁆𑀟𑁄𑀇𑀢𑀺 𑀯𑁄𑀳𑀭𑀦𑁆𑀢𑀺. 𑀓𑁄𑀮𑀝𑁆𑀞𑀻𑀢𑀺 𑀓𑁄𑀮𑀁 𑀯𑀼𑀘𑁆𑀘𑀢𑀺 𑀩𑀤𑀭𑀨𑀮𑀁, 𑀢𑀲𑁆𑀲 𑀅𑀝𑁆𑀞𑀺 𑀓𑁄𑀮𑀝𑁆𑀞𑀺. 𑀅𑀯𑀟𑁆𑀠𑀦𑀓𑀧𑀓𑁆𑀔𑁂 𑀞𑀺𑀢𑁂 𑀲𑀢𑀻𑀢𑀺 𑀬𑁄𑀚𑀦𑀸. 𑀲𑀜𑁆𑀙𑀯𑀺𑀦𑁆𑀢𑀺 𑀲𑀁𑀯𑀺𑀚𑁆𑀚𑀫𑀸𑀦𑀙𑀯𑀺𑀁, 𑀲𑀜𑁆𑀚𑀸𑀢𑀙𑀯𑀺𑀁 𑀯𑀸. 𑀉𑀡𑁆𑀡𑀺𑀕𑀡𑁆𑀟𑀸𑀢𑀺 𑀉𑀤𑁆𑀥𑀁 𑀦𑀫𑀦𑁆𑀢𑀻𑀢𑀺 𑀉𑀡𑁆𑀡𑀺𑀬𑁄, 𑀢𑀸𑀬𑁂𑀯 𑀕𑀡𑁆𑀟𑀸 𑀉𑀡𑁆𑀡𑀺𑀕𑀡𑁆𑀟𑀸. 𑀬𑁂 𑀮𑁄𑀓𑁂 ‘‘𑀉𑀡𑁆𑀡𑀺𑀕𑀡𑁆𑀟𑀸’’ 𑀇𑀢𑀺 𑀯𑁄𑀳𑀭𑀦𑁆𑀢𑀺. 𑀢𑀢𑁆𑀣 𑀢𑀢𑁆𑀣𑀸𑀢𑀺 𑀢𑀲𑁆𑀫𑀺𑀁 𑀢𑀲𑁆𑀫𑀺𑀁 𑀲𑀭𑀻𑀭𑀧𑀤𑁂𑀲𑁂. 𑀔𑀻𑀭𑀧𑀻𑀴𑀓𑀸𑀢𑀺 𑀔𑀻𑀭𑀁 𑀏𑀢𑁆𑀣 𑀅𑀢𑁆𑀣𑀻𑀢𑀺 𑀔𑀻𑀭𑀸, 𑀢𑀸 𑀏𑀯 𑀧𑀻𑀴𑀓𑀸 𑀔𑀻𑀭𑀧𑀻𑀴𑀓𑀸. 𑀬𑀸 𑀮𑁄𑀓𑁂 ‘‘𑀔𑀻𑀭𑀧𑀻𑀴𑀓𑀸’’ 𑀇𑀢𑀺 𑀘 𑀇𑀢𑀺 𑀘 𑀯𑁄𑀳𑀭𑀦𑁆𑀢𑀺. 𑀢𑀸𑀲𑀽𑀢𑀺 𑀧𑀻𑀴𑀓𑀸𑀲𑀼. 𑀔𑀻𑀭𑀧𑀻𑀴𑀓𑀸 𑀦𑀸𑀫 𑀕𑀡𑁆𑀟𑀸 𑀳𑁄𑀦𑁆𑀢𑀻𑀢𑀺 𑀲𑀫𑁆𑀩𑀦𑁆𑀥𑁄. 𑀔𑀭𑀧𑀻𑀴𑀓𑀸𑀢𑀺 𑀔𑀭𑀲𑀪𑀸𑀯𑀸 𑀧𑀻𑀴𑀓𑀸. 𑀔𑀭𑀲𑀪𑀸𑀯𑀢𑁆𑀢𑀸 𑀢𑁂𑀦 𑀲𑀢𑁆𑀢𑀸 𑀫𑀭𑀡𑀫𑁆𑀧𑀺 𑀕𑀘𑁆𑀙𑀦𑁆𑀢𑀺, 𑀫𑀭𑀡𑀫𑀢𑁆𑀢𑀫𑁆𑀧𑀺 𑀤𑀼𑀓𑁆𑀔𑀁. 𑀬𑀸 𑀮𑁄𑀓𑁂 𑀇𑀢𑀺 ‘‘𑀔𑀻𑀭𑀧𑀻𑀴𑀓𑀸’’ 𑀯𑁄𑀳𑀭𑀦𑁆𑀢𑀺. 𑀧𑀤𑀼𑀫𑀓𑀡𑁆𑀡𑀺𑀓𑀸 𑀦𑀸𑀫 𑀕𑀡𑁆𑀟𑀸 𑀳𑁄𑀦𑁆𑀢𑀻𑀢𑀺 𑀲𑀫𑁆𑀩𑀦𑁆𑀥𑁄. 𑀧𑀤𑀼𑀫𑀲𑁆𑀲 𑀓𑀡𑁆𑀡𑀺𑀓𑀸 𑀯𑀺𑀬 𑀧𑀤𑀼𑀫𑀓𑀡𑁆𑀡𑀺𑀓𑀸. 𑀬𑀸 𑀮𑁄𑀓𑁂 ‘‘𑀧𑀤𑀼𑀫𑀓𑀡𑁆𑀡𑀺𑀓𑀸’’𑀇𑀢𑀺 𑀯𑁄𑀳𑀭𑀦𑁆𑀢𑀺. 𑀲𑀸𑀲𑀧𑀩𑀻𑀚𑀓𑀸 𑀦𑀸𑀫 𑀕𑀡𑁆𑀟𑀸𑀢𑀺 𑀲𑀫𑁆𑀩𑀦𑁆𑀥𑁄. 𑀲𑀸𑀲𑀧𑀲𑁆𑀲 𑀩𑀻𑀚𑀁 𑀧𑀫𑀸𑀡𑀫𑁂𑀢𑀸𑀲𑀦𑁆𑀢𑀺 𑀲𑀸𑀲𑀧𑀩𑀻𑀚𑀓𑀸. 𑀬𑀸 𑀮𑁄𑀓𑁂 ‘‘𑀲𑀸𑀲𑀧𑀩𑀻𑀚𑀓𑀸’’ 𑀇𑀢𑀺 𑀯𑁄𑀳𑀭𑀦𑁆𑀢𑀺. 𑀢𑀸 𑀲𑀩𑁆𑀩𑀸𑀢𑀺 𑀲𑀩𑁆𑀩𑀸 𑀢𑀸 𑀧𑀻𑀴𑀓𑀸, 𑀕𑀡𑁆𑀟𑀚𑀸𑀢𑀺𑀬𑁄 𑀯𑀸. 𑀢𑀸𑀲𑀽𑀢𑀺 𑀧𑀻𑀴𑀓𑀸𑀲𑀼, 𑀕𑀡𑁆𑀟𑀚𑀸𑀢𑀻𑀲𑀼 𑀯𑀸.

𑀧𑀤𑀼𑀫𑀧𑀼𑀡𑁆𑀟𑀭𑀻𑀓𑀧𑀢𑁆𑀢𑀯𑀡𑁆𑀡𑀦𑁆𑀢𑀺 𑀧𑀤𑀼𑀫𑀁 𑀦𑀸𑀫 𑀭𑀢𑁆𑀢𑀁, 𑀧𑀼𑀡𑁆𑀟𑀭𑀻𑀓𑀁 𑀦𑀸𑀫 𑀲𑁂𑀢𑀁, 𑀢𑁂𑀲𑀁 𑀧𑀼𑀧𑁆𑀨𑀧𑀢𑁆𑀢𑀲𑁆𑀲 𑀯𑀡𑁆𑀡𑀁 𑀯𑀺𑀬 𑀯𑀡𑁆𑀡𑀫𑁂𑀢𑀲𑁆𑀲𑀸𑀢𑀺 𑀧𑀤𑀼𑀫𑀧𑀼𑀡𑁆𑀟𑀭𑀻𑀓𑀧𑀢𑁆𑀢𑀯𑀡𑁆𑀡𑀁, 𑀲𑀗𑁆𑀔𑀓𑀼𑀝𑁆𑀞𑀁. 𑀬𑀁 𑀮𑁄𑀓𑁂 ‘‘𑀧𑀤𑀼𑀫𑀧𑀼𑀡𑁆𑀟𑀭𑀻𑀓𑀧𑀢𑁆𑀢𑀯𑀡𑁆𑀡𑀁, 𑀲𑀗𑁆𑀔𑀓𑀼𑀝𑁆𑀞𑀁’’ 𑀇𑀢𑀺 𑀯𑁄𑀳𑀭𑀦𑁆𑀢𑀺. 𑀬𑁂𑀦𑀸𑀢𑀺 𑀓𑀼𑀝𑁆𑀞𑁂𑀦. 𑀕𑀼𑀦𑁆𑀦𑀁 𑀲𑀭𑀻𑀭𑀁 𑀲𑀩𑀮𑀁 𑀯𑀺𑀬 𑀫𑀦𑀼𑀲𑁆𑀲𑀸𑀦𑀁 𑀲𑀭𑀻𑀭𑀁 𑀲𑀩𑀮𑀁 𑀳𑁄𑀢𑀻𑀢𑀺 𑀬𑁄𑀚𑀦𑀸. 𑀢𑀲𑁆𑀫𑀺𑀦𑁆𑀢𑀺 𑀓𑀺𑀮𑀸𑀲𑁂. 𑀲𑁄𑀲𑀩𑁆𑀬𑀸𑀥𑀻𑀢𑀺 𑀔𑀬𑀭𑁄𑀕𑁄. 𑀲𑁄 𑀳𑀺 𑀬𑀲𑁆𑀫𑀸 𑀫𑀁𑀲𑀮𑁄𑀳𑀺𑀢𑀸𑀤𑀻𑀦𑀺 𑀲𑁄𑀲𑀸𑀧𑁂𑀢𑀺, 𑀢𑀲𑁆𑀫𑀸 𑀲𑁄𑀲𑁄𑀢𑀺 𑀯𑀼𑀘𑁆𑀘𑀢𑀺. 𑀬𑀁 𑀮𑁄𑀓𑁂 ‘‘𑀲𑀸𑀁𑀲’’ 𑀇𑀢𑀺 𑀘 ‘‘𑀲𑁄𑀲𑀩𑁆𑀬𑀸𑀥𑀺’’ 𑀇𑀢𑀺 𑀘 𑀯𑁄𑀳𑀭𑀦𑁆𑀢𑀺. 𑀢𑀲𑁆𑀫𑀺𑀦𑁆𑀢𑀺 𑀲𑁄𑀲𑀩𑁆𑀬𑀸𑀥𑀺𑀫𑁆𑀳𑀺. 𑀅𑀧𑀫𑀸𑀭𑁄𑀢𑀺 𑀅𑀧𑀲𑁆𑀫𑀸𑀭𑁄. 𑀲𑁄 𑀳𑀺 𑀲𑀸𑀭𑀢𑁄 𑀅𑀧𑀕𑀢𑀢𑁆𑀢𑀸 ‘‘𑀅𑀧𑀫𑀸𑀭𑁄’’𑀢𑀺 𑀯𑀼𑀘𑁆𑀘𑀢𑀺 𑀲𑀓𑀸𑀭𑀲𑁆𑀲 𑀫𑀓𑀸𑀭𑀁 𑀓𑀢𑁆𑀯𑀸. 𑀬𑀁 𑀮𑁄𑀓𑁂 ‘‘𑀅𑀧𑀫𑀸𑀭’’ 𑀇𑀢𑀺 𑀘 ‘‘𑀅𑀭𑀽?’’𑀇𑀢𑀺 𑀘 𑀯𑁄𑀳𑀭𑀦𑁆𑀢𑀺. 𑀢𑀢𑁆𑀣𑀸𑀢𑀺 𑀤𑁆𑀯𑀻𑀲𑀼 𑀉𑀫𑁆𑀫𑀸𑀤𑁂𑀲𑀼. 𑀆𑀥𑀸𑀭𑁂 𑀘𑁂𑀢𑀁 𑀪𑀼𑀫𑁆𑀫𑀯𑀘𑀦𑀁. 𑀤𑀼𑀢𑁆𑀢𑀺𑀓𑀺𑀘𑁆𑀙𑁄 𑀳𑁄𑀢𑀻𑀢𑀺 𑀲𑀫𑁆𑀩𑀦𑁆𑀥𑁄.