𑁩. 𑀢𑀢𑀺𑀬𑀲𑀺𑀓𑁆𑀔𑀸𑀧𑀤𑀁

𑁯𑁪𑁧. 𑀢𑀢𑀺𑀬𑁂 𑀉𑀴𑀸𑀭𑀓𑀼𑀮𑀸𑀢𑀺 𑀚𑀸𑀢𑀺𑀲𑁂𑀝𑁆𑀞𑀓𑀼𑀮𑀸, 𑀇𑀲𑁆𑀲𑀭𑀺𑀬𑀪𑁄𑀕𑀸𑀤𑀻𑀳𑀺 𑀯𑀸 𑀯𑀺𑀧𑀼𑀮𑀓𑀼𑀮𑀸. 𑀕𑀼𑀡𑁂𑀳𑀻𑀢𑀺 𑀲𑀻𑀮𑀸𑀤𑀺𑀕𑀼𑀡𑁂𑀳𑀺. ‘‘𑀉𑀴𑀸𑀭𑀸𑀢𑀺 𑀲𑀫𑁆𑀪𑀸𑀯𑀺𑀢𑀸’’𑀢𑀺 𑀇𑀫𑀺𑀦𑀸 𑀇𑀢𑀺𑀮𑁄𑀧𑀢𑀼𑀮𑁆𑀬𑀸𑀥𑀺𑀓𑀭𑀡𑀲𑀫𑀸𑀲𑀁 𑀤𑀲𑁆𑀲𑁂𑀢𑀺.

‘‘𑀅𑀪𑀺𑀪𑀽𑀢𑀸’’𑀢𑀺 𑀇𑀫𑀺𑀦𑀸 ‘‘𑀅𑀧𑀓𑀢𑀸’’𑀢𑀺 𑀏𑀢𑁆𑀣 𑀓𑀭𑀥𑀸𑀢𑀼 𑀲𑀩𑁆𑀩𑀥𑀸𑀢𑁆𑀯𑀢𑁆𑀣𑀯𑀸𑀘𑀻𑀧𑀺 𑀇𑀥 𑀅𑀧𑀧𑀼𑀩𑁆𑀩𑀢𑁆𑀢𑀸 𑀯𑀺𑀲𑁂𑀲𑀢𑁄 𑀅𑀪𑀺𑀪𑀯𑀦𑀢𑁆𑀣𑁂 𑀯𑀢𑁆𑀢𑀢𑀻𑀢𑀺 𑀤𑀲𑁆𑀲𑁂𑀢𑀺. 𑀏𑀢𑀸𑀲𑀦𑁆𑀢𑀺 𑀪𑀺𑀓𑁆𑀔𑀼𑀦𑀻𑀦𑀁. ‘‘𑀲𑀜𑁆𑀜𑀸𑀧𑀬𑀫𑀸𑀦𑀸’’𑀢𑀺 𑀇𑀫𑀺𑀦𑀸 𑀲𑀜𑁆𑀜𑀸𑀧𑀦𑀁 𑀲𑀜𑁆𑀜𑀢𑁆𑀢𑀻𑀢𑀺 𑀯𑀘𑀦𑀢𑁆𑀣𑀁 𑀤𑀲𑁆𑀲𑁂𑀢𑀺. 𑀳𑁂𑀢𑀽𑀤𑀸𑀳𑀭𑀡𑀸𑀤𑀻𑀳𑀻𑀢𑀺 𑀏𑀢𑁆𑀣 𑀆𑀤𑀺𑀲𑀤𑁆𑀤𑁂𑀦 𑀉𑀧𑀫𑀸𑀤𑀬𑁄 𑀲𑀗𑁆𑀕𑀡𑁆𑀳𑀸𑀢𑀺. ‘‘𑀯𑀺𑀯𑀺𑀥𑁂𑀳𑀺 𑀦𑀬𑁂𑀳𑀺 𑀜𑀸𑀧𑀦𑀸’’𑀢𑀺 𑀇𑀫𑀺𑀦𑀸 𑀯𑀺𑀯𑀺𑀥𑁂𑀳𑀺 𑀜𑀸𑀧𑀦𑀁 𑀯𑀺𑀜𑁆𑀜𑀢𑁆𑀢𑀻𑀢𑀺 𑀯𑀘𑀦𑀢𑁆𑀣𑀁 𑀤𑀲𑁆𑀲𑁂𑀢𑀺.

𑁯𑁪𑁩. 𑀘𑀗𑁆𑀓𑀫𑀦𑁂 𑀧𑀤𑀯𑀸𑀭𑀕𑀡𑀦𑀸𑀬 𑀆𑀧𑀢𑁆𑀢𑀺𑀬𑀸 𑀦 𑀓𑀸𑀭𑁂𑀢𑀩𑁆𑀩𑁄𑀢𑀺 𑀆𑀳 ‘‘𑀦𑀺𑀯𑀢𑁆𑀢𑀦𑀕𑀡𑀦𑀸𑀬𑀸’’𑀢𑀺. 𑀧𑀤𑀸𑀤𑀺𑀕𑀡𑀦𑀸𑀬𑀸𑀢𑀺 𑀧𑀤𑀅𑀦𑀼𑀧𑀤𑀸𑀤𑀺𑀕𑀡𑀦𑀸𑀬𑀸𑀢𑀺. 𑀢𑀢𑀺𑀬𑀁.