𑁧𑁦. 𑀤𑀲𑀫𑀲𑀺𑀓𑁆𑀔𑀸𑀧𑀤𑀁

𑁯𑁭𑁩. 𑀤𑀲𑀫𑁂 𑀅𑀳𑀼𑀦𑁆𑀤𑀭𑀺𑀓𑀸𑀢𑀺 𑀢𑀲𑁆𑀫𑀺𑀁 𑀓𑀸𑀮𑁂, 𑀤𑁂𑀲𑁂 𑀯𑀸 𑀲𑀫𑁆𑀩𑀸𑀥𑀲𑁆𑀲 𑀦𑀸𑀫𑀫𑁂𑀢𑀦𑁆𑀢𑀺 𑀆𑀳 ‘‘𑀅𑀳𑀼𑀦𑁆𑀤𑀭𑀺𑀓𑀸𑀢𑀺 𑀲𑀫𑁆𑀩𑀸𑀥𑀸’’𑀢𑀺.

𑁯𑁭𑁫. 𑀬𑀣𑀸 ‘‘𑀉𑀢𑁆𑀢𑀭𑀺𑀙𑀧𑁆𑀧𑀜𑁆𑀘𑀯𑀸𑀘𑀸𑀳𑀻’’𑀢𑀺 (𑀧𑀸𑀘𑀺. 𑁬𑁨-𑁬𑁫) 𑀏𑀢𑁆𑀣 𑀧𑀜𑁆𑀘𑀲𑀤𑁆𑀤𑁄 𑀦 𑀓𑁄𑀘𑀺 𑀅𑀢𑁆𑀣𑁄, 𑀯𑀸𑀘𑀸𑀲𑀺𑀮𑀺𑀝𑁆𑀞𑀢𑁆𑀣𑀁 𑀮𑁄𑀓𑀯𑁄𑀳𑀸𑀭𑀯𑀲𑁂𑀦 𑀯𑀼𑀢𑁆𑀢𑁄, 𑀦 𑀏𑀯𑀫𑀺𑀥, 𑀇𑀥 𑀧𑀦 𑀅𑀢𑁆𑀣𑁄 𑀅𑀢𑁆𑀣𑀺, 𑀧𑀜𑁆𑀘 𑀬𑁄𑀚𑀦𑀸𑀦𑀺 𑀕𑀘𑁆𑀙𑀦𑁆𑀢𑀺𑀬𑀸𑀧𑀺 𑀅𑀦𑀸𑀧𑀢𑁆𑀢𑀺𑀬𑁂𑀯𑀸𑀢𑀺 𑀆𑀳 ‘‘𑀧𑀯𑀸𑀭𑁂𑀢𑁆𑀯𑀸…𑀧𑁂… 𑀅𑀦𑀸𑀧𑀢𑁆𑀢𑀻’’𑀢𑀺. 𑀧𑀘𑁆𑀘𑀸𑀕𑀘𑁆𑀙𑀢𑀻𑀢𑀺 𑀧𑀝𑀺𑀦𑀺𑀯𑀢𑁆𑀢𑁂𑀢𑁆𑀯𑀸 𑀆𑀕𑀘𑁆𑀙𑀢𑀻𑀢𑀺. 𑀤𑀲𑀫𑀁.

𑀢𑀼𑀯𑀝𑁆𑀝𑀯𑀕𑁆𑀕𑁄 𑀘𑀢𑀼𑀢𑁆𑀣𑁄.