𑁯. 𑀦𑀯𑀫𑀲𑀺𑀓𑁆𑀔𑀸𑀧𑀤𑀁

𑁮𑁭𑁫. 𑀦𑀯𑀫𑁂 𑀅𑀪𑀺𑀲𑀧𑁂𑀬𑁆𑀬𑀸𑀢𑀺 𑀏𑀢𑁆𑀣 𑀲𑀧𑀥𑀸𑀢𑀼𑀲𑁆𑀲 𑀅𑀓𑁆𑀓𑁄𑀲𑀦𑀢𑁆𑀣𑀁 𑀅𑀦𑁆𑀢𑁄𑀓𑀢𑁆𑀯𑀸 𑀓𑀭𑀥𑀸𑀢𑀼𑀬𑀸 𑀅𑀢𑁆𑀣𑀁 𑀤𑀲𑁆𑀲𑁂𑀦𑁆𑀢𑁄 𑀆𑀳 ‘‘𑀲𑀧𑀣𑀁 𑀓𑀭𑁂𑀬𑁆𑀬𑀸’’𑀢𑀺. 𑀦𑀺𑀭𑀬𑁂 𑀦𑀺𑀩𑁆𑀩𑀢𑁆𑀢𑀸𑀫𑁆𑀳𑀻𑀢𑀺 𑀅𑀳𑀁 𑀦𑀺𑀭𑀬𑁂 𑀦𑀺𑀩𑁆𑀩𑀢𑁆𑀢𑀸 𑀅𑀫𑁆𑀳𑀻𑀢𑀺 𑀬𑁄𑀚𑀦𑀸. 𑀦𑀺𑀭𑀬𑁂 𑀦𑀺𑀩𑁆𑀩𑀢𑁆𑀢𑀢𑀽𑀢𑀺 𑀏𑀲𑀸 𑀪𑀺𑀓𑁆𑀔𑀼𑀦𑀻 𑀦𑀺𑀭𑀬𑁂 𑀦𑀺𑀩𑁆𑀩𑀢𑁆𑀢𑀢𑀽𑀢𑀺 𑀬𑁄𑀚𑀦𑀸. 𑀈𑀤𑀺𑀲𑀸 𑀳𑁄𑀢𑀽𑀢𑀺 𑀫𑀫 𑀲𑀤𑀺𑀲𑀸 𑀳𑁄𑀢𑀽𑀢𑀺 𑀅𑀢𑁆𑀣𑁄. 𑀓𑀸𑀡𑀸𑀢𑀺 𑀏𑀓𑀓𑁆𑀔𑀺𑀓𑀸𑀡𑀸, 𑀤𑁆𑀯𑀓𑁆𑀔𑀺𑀓𑀸𑀡𑀸 𑀯𑀸. 𑀓𑀼𑀡𑀻𑀢𑀺 𑀳𑀢𑁆𑀣𑀧𑀸𑀤𑀸𑀤𑀺𑀯𑀗𑁆𑀓𑀸.

𑁮𑁭𑁮. 𑀏𑀤𑀺𑀲𑀸𑀢𑀺 𑀯𑀺𑀭𑀽𑀧𑀸𑀤𑀺𑀚𑀸𑀢𑀺𑀓𑀸. 𑀯𑀺𑀭𑀫𑀲𑁆𑀲𑀽𑀢𑀺 𑀯𑀺𑀭𑀫𑀸𑀳𑀺. 𑀅𑀤𑁆𑀥𑀸𑀢𑀺 𑀥𑀼𑀯𑀦𑁆𑀢𑀺. 𑀦𑀯𑀫𑀁.