𑁪. 𑀘𑀢𑀼𑀢𑁆𑀣𑀲𑀺𑀓𑁆𑀔𑀸𑀧𑀤𑀁

𑁮𑁫𑁦. 𑀘𑀢𑀼𑀢𑁆𑀣𑁂 𑀓𑀡𑁆𑀡𑀲𑁆𑀲 𑀲𑀫𑀻𑀧𑀁 𑀦𑀺𑀓𑀡𑁆𑀡𑀁, 𑀢𑀫𑁂𑀯 𑀦𑀺𑀓𑀡𑁆𑀡𑀺𑀓𑀦𑁆𑀢𑀺 𑀯𑀼𑀢𑁆𑀢𑁂 𑀓𑀡𑁆𑀡𑀫𑀽𑀮𑀦𑁆𑀢𑀺 𑀆𑀳 ‘‘𑀓𑀡𑁆𑀡𑀫𑀽𑀮𑀁 𑀯𑀼𑀘𑁆𑀘𑀢𑀻’’𑀢𑀺. ‘‘𑀓𑀡𑁆𑀡𑀫𑀽𑀮𑁂’’𑀢𑀺 𑀇𑀫𑀺𑀦𑀸 ‘‘𑀦𑀺𑀓𑀡𑁆𑀡𑀺𑀓’’𑀦𑁆𑀢𑀺 𑀏𑀢𑁆𑀣 𑀪𑀼𑀫𑁆𑀫𑀢𑁆𑀣𑁂 𑀉𑀧𑀬𑁄𑀕𑀯𑀘𑀦𑀦𑁆𑀢𑀺 𑀤𑀲𑁆𑀲𑁂𑀢𑀺. 𑀆𑀳𑀭𑀡𑀢𑁆𑀣𑀸𑀬𑀸𑀢𑀺 𑀆𑀳𑀭𑀸𑀧𑀦𑀢𑁆𑀣𑀸𑀬𑀸𑀢𑀺. 𑀘𑀢𑀼𑀢𑁆𑀣𑀁.

𑁫. 𑀧𑀜𑁆𑀘𑀫𑀲𑀺𑀓𑁆𑀔𑀸𑀧𑀤𑀁

𑁮𑁫𑁪. 𑀧𑀜𑁆𑀘𑀫𑁂 𑀢𑁂𑀲𑀦𑁆𑀢𑀺 𑀖𑀭𑀲𑀸𑀫𑀺𑀓𑀸𑀦𑀁. 𑀖𑀭𑀫𑁆𑀧𑀻𑀢𑀺 𑀦 𑀓𑁂𑀯𑀮𑀁 𑀆𑀲𑀦𑀫𑁂𑀯, 𑀖𑀭𑀫𑁆𑀧𑀺 𑀲𑁄𑀥𑁂𑀫𑀸𑀢𑀺 𑀅𑀢𑁆𑀣𑁄. 𑀢𑀢𑁄𑀢𑀺 𑀧𑀭𑀺𑀯𑀺𑀢𑀓𑁆𑀓𑀦𑀢𑁄, 𑀧𑀭𑀦𑁆𑀢𑀺 𑀲𑀫𑁆𑀩𑀦𑁆𑀥𑁄.

𑁮𑁫𑁮. 𑀘𑁄𑀭𑀸 𑀯𑀸 𑀉𑀝𑁆𑀞𑀺𑀢𑀸 𑀳𑁄𑀦𑁆𑀢𑀻𑀢𑀺 𑀬𑁄𑀚𑀦𑀸𑀢𑀺. 𑀧𑀜𑁆𑀘𑀫𑀁.