𑁪. 𑀘𑀢𑀼𑀢𑁆𑀣𑀲𑀺𑀓𑁆𑀔𑀸𑀧𑀤𑀁

𑁮𑁦𑁬. 𑀘𑀢𑀼𑀢𑁆𑀣𑁂 𑀭𑀜𑁆𑀜𑁄 𑀑𑀭𑁄𑀥𑀸 𑀭𑀸𑀚𑁄𑀭𑁄𑀥𑀸, 𑀧𑀼𑀭𑀸𑀡𑁂 𑀭𑀸𑀚𑁄𑀭𑁄𑀥𑀸 𑀧𑀼𑀭𑀸𑀡𑀭𑀸𑀚𑁄𑀭𑁄𑀥𑀸𑀢𑀺 𑀯𑀘𑀦𑀢𑁆𑀣𑀁 𑀤𑀲𑁆𑀲𑁂𑀦𑁆𑀢𑁄 𑀆𑀳 ‘‘𑀧𑀼𑀭𑀸𑀡𑁂’’𑀢𑀺𑀆𑀤𑀺. ‘‘𑀕𑀺𑀳𑀺𑀪𑀸𑀯𑁂’’𑀢𑀺 𑀇𑀫𑀺𑀦𑀸 𑀧𑀼𑀭𑀸𑀡𑁂𑀢𑀺 𑀏𑀢𑁆𑀣 𑀡𑀧𑀘𑁆𑀘𑀬𑀲𑁆𑀲 𑀲𑀭𑀽𑀧𑀁 𑀤𑀲𑁆𑀲𑁂𑀢𑀺. 𑀘𑀺𑀭𑀸𑀘𑀺𑀭𑀦𑁆𑀢𑀺 𑀦𑀺𑀧𑀸𑀢𑀧𑀝𑀺𑀭𑀽𑀧𑀓𑀁. 𑀢𑁂𑀦 𑀯𑀼𑀢𑁆𑀢𑀁 ‘‘𑀘𑀺𑀭𑁂𑀦 𑀘𑀺𑀭𑁂𑀦𑀸’’𑀢𑀺. ‘‘𑀲𑀓𑁆𑀓𑁄𑀣𑀸’’𑀢𑀺 𑀇𑀫𑀺𑀦𑀸 𑀓𑀣𑀁 𑀢𑀼𑀫𑁆𑀳𑁂 𑀭𑀸𑀕𑀘𑀺𑀢𑁆𑀢𑀁 𑀧𑀝𑀺𑀳𑀦𑀺𑀢𑁆𑀯𑀸 𑀅𑀢𑁆𑀢𑀸𑀦𑀁 𑀥𑀸𑀭𑁂𑀣 𑀥𑀸𑀭𑁂𑀢𑀼𑀁 𑀲𑀓𑁆𑀓𑁄𑀣𑀸𑀢𑀺 𑀅𑀢𑁆𑀣𑀁 𑀤𑀲𑁆𑀲𑁂𑀢𑀺. 𑀅𑀦𑀸𑀭𑁄𑀘𑀺𑀢𑁂𑀧𑀻𑀢𑀺 𑀪𑀽𑀢𑀢𑁄 𑀅𑀦𑀸𑀭𑁄𑀘𑀺𑀢𑁂𑀧𑀺.

𑁮𑁦𑁭. 𑀚𑀢𑀼𑀦𑀸𑀢𑀺 𑀮𑀸𑀔𑀸𑀬. 𑀧𑀝𑁆𑀞𑀤𑀡𑁆𑀟𑀓𑁂𑀢𑀺 𑀧𑀝𑀼𑀪𑀸𑀯𑁂𑀦 𑀞𑀸𑀢𑀺 𑀧𑀯𑀢𑁆𑀢𑀢𑀻𑀢𑀺 𑀧𑀝𑁆𑀞𑁄, 𑀲𑁄𑀬𑁂𑀯 𑀤𑀡𑁆𑀟𑁄 𑀧𑀝𑁆𑀞𑀤𑀡𑁆𑀟𑁄, 𑀢𑀲𑁆𑀲 𑀧𑀯𑁂𑀲𑀦𑀁 𑀧𑀝𑁆𑀞𑀤𑀡𑁆𑀟𑀓𑀁, 𑀢𑀲𑁆𑀫𑀺𑀁 𑀦𑀺𑀫𑀺𑀢𑁆𑀢𑀪𑀽𑀢𑁂. 𑀏𑀢𑀦𑁆𑀢𑀺 ‘‘𑀚𑀢𑀼𑀫𑀝𑁆𑀞𑀓𑁂’’𑀢𑀺 𑀏𑀢𑀁 𑀯𑀘𑀦𑀦𑁆𑀢𑀺. 𑀘𑀢𑀼𑀢𑁆𑀣𑀁.